2 تِیمُتھِیُس 2:25 - کِتاب مُقدّس سرائیکی ترجمہ

²⁵ آپنڑے مخالفاں کُوں حلیمی نال سمجھاوے۔ شاید خُدا اُنہاں کُوں توبہ دی توفیق ڈیوے تے او سچائی کُوں پچھاݨ گِھننڑ۔

2 تِیمُتھِیُس 2:25 Iomraidhean Croise

متّی 11:29

میڈی پنجالی چا گِھنو تے میڈے کنُوں سِکھو۔ کیوں جو مَیں نرم تے دل دا فروتن ہاں۔ وَل تُہاکُوں آرام مِل سی۔

متّی 21:32

کیوں جو یُوحنّا تُہاکُوں راستبازی دا رستہ ڈِکھاوݨ آیا تے تُساں اُوندا یقین نہ کیتا پر محصُول گِھننڑ آلیاں تے طوائفاں اُوندا یقین کیتا۔ تے ایہ ڈیکھ تے وی تُساں پشیمان نہ تھئے جو اُوندا یقین کر گِھندے۔

مرقس 1:15

او آکھنڑ لگا جو ”وقت پُورا تھی گِیا ہے تے خُدا دی بادشاہی نیڑے آ گئی ہے۔ توبہ کرو تے خوشخبری اُتے اِیمان گِھن آؤ۔“

یُوحنّا 5:34

مَیں آپنڑے بارے ءچ اِنسان دی گواہی منظور نئیں کریندا وَل وی مَیں ایہ گالھیں اِیں واسطے کریندا ہاں جو تُساں نجات پاؤ۔

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 5:21

او ایہ سُنڑ تے سویل نال ای ہیکل ءچ گئے تے تعلیم ڈیوݨ لگے۔ پر کاہِن ِ اعظم تے اُوندے ساتھیاں آ تے صدر ِ عدالت آلیاں یعنی بنی اِسرائیل دے سارے بزُرگاں کُوں جمع کیتا تے قید خانہ ءچ اکھوا بھیجیا جو رسُولاں کُوں گِھن آوݨ۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

اعمال 8:22

بس آپنڑی اِیں بدی کنُوں توبہ کر، تے خُداوند کنُوں دُعا کر جو شاید تیڈے دل دے اِیں خیال کُوں معاف کر ڈیوے۔

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔

1 تِیمُتھِیُس 2:4

او چاہندے جو سبھ لوک نجات پاوݨ تے سچائی کُوں پچھاݨ گِھننڑ۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

2 تِیمُتھِیُس 3:7

ایہ عورتاں تعلیم حاصل کریندیاں راہندیاں ہِن پر سچائی دی پچھاݨ تئیں کڈھائیں نئیں پُجدیاں۔

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

طِطُس 3:2

کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔

1 یُوحنّا 5:16

جے کوئی آپنڑے بِھرا کُوں ایجھا گُناہ کریندے ڈیکھے جِیندا انجام موت نئیں تاں دُعا کرے تے خُدا اُونکُوں زندگی بخشیسی یعنی اُوں بندے کُوں جئیں ایجھا گُناہ نئیں کیتا، جِیندا انجام موت ہووے۔ گُناہ ایجھا وی ہوندے جیہڑا موت گِھن آندے۔ مَیں ایہ نئیں آدھا جو ایجھا گُناہ کرݨ آلے بندے دے بارے ءچ دُعا کرو۔