2 تِیمُتھِیُس 2:18 - کِتاب مُقدّس سرائیکی ترجمہ

¹⁸ او سچائی کنُوں گُمراہ تھی تے ایہ آدھے ہِن جو قیامت تھی گئی ہے، تے اِینویں او کُجھ لوکاں دا اِیمان خراب کریندے پئے ہِن۔

2 تِیمُتھِیُس 2:18 Iomraidhean Croise

متّی 15:13

اُوں جواب ڈِتا، ”ہر او بُوٹا جیہڑا میڈے اسمانی باپ نئیں رہایا جڑھ کنُوں پَٹ ڈِتا ویسی۔

متّی 22:29

یسُوع اُنہاں کُوں جواب ءچ آکھیا، ”تُساں گُمراہ ہیوے اِیں واسطے جو نہ تاں خُدا دے کلام کُوں جانڑدے ہیوے، نہ خُدا دی قُدرت کُوں۔

لُوقا 8:13

تے پتھریلی زمین آلے او ہِن جیہڑے کلام کُوں سُنڑ تے اُونکُوں خوشی نال قبول تاں کریندے ہِن پر جڑھ نئیں رکھیندے۔ اِیں واسطے کُجھ عرصہ تئیں اِیمان رکھ تے ازمائش دے ویلے پِھر ویندے ہِن۔

اعمال 5:39

پر جے خُدا دی طرفوں ہے تاں تُساں اِنہاں بندیاں کُوں روک نہ سگسو بلکہ خُدا نال لڑن آلے کھڑائے ویسو۔“

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

1کُرِنتھِیوں 15:12

جڈاں مسیح دے مُردیاں ءچوں زندہ تھیوݨ دی تبلیغ کیتی ویندی ہے تاں تُہاڈے ءچوں کُجھ کِینویں اکھیندے ہِن جو مُردیاں دی قیامت نئیں ہوندی؟

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

1 تِیمُتھِیُس 6:21

کُجھ لوک ایجھے علم دی وجہ کنُوں آپنڑے اِیمان تُوں گُمراہ تھی گئے ہِن۔ خُدا دا فضل تُساں سبھ نال راہوے۔

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

عبرانیوں 3:10

اِیں واسطے مَیں اُوں نسل نال ناراض تھیّا تے آکھیا جو ’اُنہاں دے دل ہمیشاں گُمراہ تھیندے راہندن، تے اُنہاں میڈے رستیاں کُوں نئیں پچھانڑیا۔‘

یعقُوب 5:19

میڈے بِھراؤ! جے تُہاڈے ءچوں کوئی سچائی دے رستے کنُوں پِھر ونجے تے کوئی ڈُوجھا اُونکُوں ولا گِھن آوے،

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔