2 تِیمُتھِیُس 2:15 - کِتاب مُقدّس سرائیکی ترجمہ

¹⁵ کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

2 تِیمُتھِیُس 2:15 Iomraidhean Croise

متّی 13:52

یسُوع اُنہاں کُوں آکھیا، ”اِیں واسطے ہر شریعت دا عالم جیہڑا اسمان دی بادشاہی دا شاگرد بنڑیا ہے اُوں گھر دے مالک وانگُوں ہے جیہڑا آپنڑے خزانے ءچوں نوِیاں تے پُرانڑیاں چیزاں کڈھیندے۔“

مرقس 4:33

یسُوع اُنہاں کُوں اِیں طرحاں دیاں بہُوں ساریاں مثالاں نال اُنہاں دی سمجھ دے مطابق کلام سُنڑیندا ہا

لُوقا 12:42

خُداوند آکھیا، ”او دیانتدار تے عقلمند مُنشی کیہڑا ہے جِینکُوں اُوندا مالک آپنڑے گھر دے نوکراں چاکراں اُتے مقرر کرے جو او اُنہاں دی خوراک ٹھیک ویلے اُتے ونڈیندا راہوے؟

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

1کُرِنتھِیوں 2:6

اساں حِکمت دے گالھیں اُنہاں لوکاں کُوں آدھے ہیں جیہڑے اِیمان ءچ بالغ ہِن، پر ایہ حِکمت نہ اِیں جہان دی ہے تے نہ ای اِیں جہان دے ختم تھی ونجنڑ آلے حاکماں دی ہے۔

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 5:9

بس بھانویں اساں اِیں بدن ءچ راہندے ہوؤں یا نئیں، ساڈا مقصد تاں اُونکُوں خوش کرݨ ہے۔

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

اِفِسیوں 1:13

تے جِیں ویلے تُساں وی سچائی دے کلام کُوں یعنی آپنڑی نجات دی خوشخبری کُوں سُنڑیا تے مسیح اُتے اِیمان گِھن آئے تاں خُدا تُہاڈے اُتے وی وعدہ کیتے ہوئے رُوح القُدس دی مُہر لائی۔

1تھِسّلُنیکیوں 2:4

بلکہ جِینویں خُدا ساکُوں مقبول بندے سمجھ تے خوشخبری ساڈے سپُرد کیتی ہے، اُونویں ای اساں خوشخبری بیان کریندے ہیں۔ اساں آدمیاں کُوں نئیں بلکہ خُدا کُوں خوش کرݨ چاہندے ہیں جیہڑا ساڈے دِلاں کُوں پرکھدے۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

یعقُوب 1:18

اُوں آپنڑی مرضی نال ساکُوں سچائی دے کلام دے وسیلے نال پیدا کیتا تاں جو اساں اُوندی مخلوقات ءچوں پہلے پھل وانگُوں خاص تھیؤں۔

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

2 پطرس 1:15

بس مَیں پُوری کوشش کریساں جو میڈے کُوچ کرݨ تُوں بعد تُساں اِنہاں گالھیں کُوں ہمیشاں یاد رکھ سگو۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔