2 تِیمُتھِیُس 2:14 - کِتاب مُقدّس سرائیکی ترجمہ

¹⁴ ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

2 تِیمُتھِیُس 2:14 Iomraidhean Croise

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟

اعمال 13:10

تے آکھیا جو ”ابلیس دے پوتر! تُوں جیہڑا ہر قِسم دی مکاری تے شرارت نال بھریا ہویا تے ہر طرحاں دی نیکی دا دُشمنڑ ہیں، کیا تُوں خُداوند دے سِدھے رستیاں کُوں وِگاڑن تُوں باز نہ آسیں؟

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

رومیوں 14:1

کمزور اِیمان آلے کُوں آپنڑے ءچ شامل تاں کر گِھنو پر جِینکُوں او صحیح یا غلط سمجھدا ہے اُوندے بارے ءچ تکرار نہ کرو۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

1 تِیمُتھِیُس 1:6

کُجھ لوک اِنہاں کنُوں بھٹک گئے ہِن تے فضول گالھیں ءچ لگ گئے ہِن۔

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

2 تِیمُتھِیُس 1:6

اِیہو وجہ ہے جو مَیں تیکُوں یاد ڈیویندا ہاں جو تُوں خُدا دی اُوں نعمت دی بھاہ کُوں نویں سرے تُوں بھڑکا ڈے جیہڑی میڈے ہتھ رکھنڑ نال تیکُوں مِلی ہے۔

2 تِیمُتھِیُس 2:16

بے ہُودہ بکواس کنُوں دُور رہ، کیوں جو اِیندے نال لوک زیادہ بے دین تھی ویندن،

2 تِیمُتھِیُس 2:23

بیوقُوفی تے جہالت دی بحث تُوں دُور رہ کیوں جو تُوں جانڑدیں جو اِنہاں نال جھیڑے تھیندن،

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

طِطُس 3:1

لوکاں کُوں یاد ڈیوا جو او حاکماں تے اِختیار آلیاں دے تابع راہوݨ، اُنہاں دا حُکم مننڑ تے ہر نیک کم کُوں کرݨ کیتے تیار راہوݨ،

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

2 پطرس 1:13

بلکہ جِیں ویلے تئیں مَیں اِیں فانی بدن ءچ ہاں تُہاکُوں یاد ڈیوا ڈیوا تے تُہاڈی حوصلہ افزائی کرݨ آپنڑے اُتے فرض سمجھدا ہاں،