2 تِیمُتھِیُس 2:13 - کِتاب مُقدّس سرائیکی ترجمہ

¹³ جے اساں بےوفا تھی ویسوں، وَل وی او وفادار راہسی کیوں جو او خود آپنڑا اِنکار نئیں کر سگدا۔

2 تِیمُتھِیُس 2:13 Iomraidhean Croise

متّی 24:35

اسمان تے زمین ٹَل ویسن پر میڈے گالھیں کڈھائیں نہ ٹَلسن۔

رومیوں 3:3

جے کُجھ بے وفا تھی گئے تاں کیا تھیّا؟ کیا اُنہاں دی بے وفائی دے سببّوں خُدا وفا داری کرݨ چھوڑ ڈیسی؟

رومیوں 9:6

اِیندا ایہ مطلب نئیں جو خُدا دا وعدہ کُوڑا تھی گئے کیوں جو جِتّی اِسرائیل دی نسل ءچوں ہِن او سارے اصلی اِسرائیلی نئیں۔

1کُرِنتھِیوں 1:9

خُدا وفادار ہے جئیں تُہاکُوں آپنڑے پوتر، ساڈے خُداوند یسُوع مسیح دی شراکت کیتے سڈیا ہے۔

1تھِسّلُنیکیوں 5:24

تُہاکُوں سڈݨ آلا وفادار ہے تے او اِینویں ای کریسی۔

2تھِسّلُنیکیوں 3:3

پر خُداوند وفادار ہے۔ او تُہاکُوں مضبوط کریسی تے شیطان کنُوں محفوظ رکھیسی۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

عبرانیوں 6:18

کیوں جو خُدا کُوڑ نئیں مار سگدا، اِیں واسطے خُدا دا وعدہ تے خُدا دی قَسم ڈُو ایجھیاں چیزاں ہِن جیہڑیاں لاتبدیل ہِن۔ تے اِنہاں دی وجہ کنُوں اساں جیہڑے پناہ کیتے خُدا دو بھج آئے ہیں، وڈے حوصلے نال اُوں اُمید کُوں جیہڑی ساڈے سامنڑے ہے، پکڑی رکھ سگدے ہیں۔