2 تِیمُتھِیُس 1:5 - کِتاب مُقدّس سرائیکی ترجمہ

⁵ میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

2 تِیمُتھِیُس 1:5 Iomraidhean Croise

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

رومیوں 14:14

میکُوں پتہ ہے بلکہ خُداوند یسُوع ءچ پُورا یقین ہے جو کوئی چیز آپنڑے آپ ءچ حرام نئیں ہوندی، پر جیہڑا اُونکُوں حرام سمجھدے اُوندے کیتے حرام ہے۔

رومیوں 14:5

کوئی بندہ تاں ہِک ڈینہہ کُوں ڈُوجھے ڈینہہ کنُوں چنگا سمجھدے تے کوئی سارے ڈینہاں کُوں برابر جانڑدے۔ ہر بندے کُوں آپنڑے ضمیر دے مطابق فیصلہ کرنڑا چاہیدے۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

رومیوں 4:21

اُونکُوں پکا یقین ہا جو جِیں خُدا وعدہ کیتے او اُونکُوں پُورا کرݨ دی وی قُدرت رکھیندے۔

رومیوں 8:38

کیوں جو میکُوں یقین ہے جو کوئی چیز وی ساکُوں خُدا دی اُوں محبت کنُوں اَنج نہ کر سگسی جیہڑی ساڈے خُداوند یسُوع المسیح دے ذریعے ساڈے اُتے ظاہر کیتی گئی ہے، نہ موت، نہ زندگی،

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

2 تِیمُتھِیُس 1:12

اِیہو وجہ ہے جو مَیں ہُنڑ ڈُکھ چیندا ہاں۔ پر مَیں شرمیندا نئیں کیوں جو جئیں اُتے مَیں اِیمان رکھیندا ہاں، اُونکُوں جانڑدا ہاں تے میکُوں یقین ہے جو او آپنڑے وَل آوݨ آلے ڈینہہ تئیں میڈی امانت دی حفاظت کر سگدے۔

2 تِیمُتھِیُس 3:15

تے تُوں چھوٹے لا کنُوں خُدا دے پاک صحیفیاں تُوں واقف ہیں جیہڑے تیکُوں مسیح یسُوع اُتے اِیمان گِھن آوݨ نال نجات حاصل کرݨ دی دانائی بخش سگدن۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

عبرانیوں 6:9

عزیزو! بھانویں اساں ایہ گالھیں آدھے ہیں، وَل وی اساں تُہاڈے کیتے اِنہاں کنُوں چنگے گالھیں دا یقین رکھیندے ہیں جِنہاں دا تعلق نجات نال ہے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔