2 تِیمُتھِیُس 1:4 - کِتاب مُقدّس سرائیکی ترجمہ

⁴ تیڈے ہنجُواں کُوں یاد کر تے مَیں تیکُوں مِلنڑ دی سِک رکھیندا ہاں تاں جو تیکُوں مِل تے خوش تھی سگاں۔

2 تِیمُتھِیُس 1:4 Iomraidhean Croise

یُوحنّا 16:22

اِینویں ای ہُنڑ تُہاکُوں ڈُکھ تاں ہے پر مَیں تُہاکُوں ولا مِلساں تے تُہاڈا دل خوش تھیسی تے کوئی تُہاڈی خوشی کَھس نہ گِھنسی۔

یُوحنّا 16:24

ہُنڑ تئیں تُساں میڈے ناں تُوں کُجھ نئیں منگیا۔ منگسو تاں مِلسی تاں جو تُہاڈی خوشی پُوری تھیوے۔

اعمال 20:19

مَیں بہُوں عاجزی نال، تے ہنجُو وہا وہا تے خُداوند دی خدمت کریندا ریہا، تے میکُوں یہُودیاں دی وڈیاں وڈیاں سازشاں دا سامنڑا کرنڑا پِیا ہا۔

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

رومیوں 1:11

کیوں جو مَیں تُہاکُوں مِلنڑ دی بہُوں سِک رکھیندا ہاں تاں جو تُہاکُوں کوئی ایجھی رُوحانی نعمت ڈے سگاں جیہڑی تُہاڈے اِیمان دی مضبوطی دا سبب بنڑے،

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔

1تھِسّلُنیکیوں 2:17

بِھراؤ! جِیں ویلے اساں تھوڑے عرصے کیتے تُہاڈے کنُوں اَنج تھئے ہسے، بےشک جِسمانی طور تے نہ جو دِلی طور تے، تاں تُہاڈے نال ولا مِلنڑ کیتے بہُوں بے چین ہسے۔

2 تِیمُتھِیُس 4:21

ٹَھڈ دے موسم تُوں پہلے میڈے کولھ پُجنڑ دی کوشش کر۔ یُوبُولُس، پُودینس، لینُس، کلودِیہ تے سبھ مسیحی بِھرا تیکُوں سلام آدھے ہِن۔

2 تِیمُتھِیُس 4:9

میڈے کولھ جلدی آوݨ دی کوشش کر۔

1 یُوحنّا 1:4

اساں ایہ گالھیں تُہاکُوں اِیں واسطے لِکھدے پئے ہیں جو ساڈی خوشی پُوری تھی ونجے۔

مُکاشفہ 21:4

او اُنہاں دے اکھیں دے سارے ہنجُو پُونجھ ڈیسی۔ وَل نہ موت باقی راہسی نہ ماتم، نہ رووݨ تے نہ کوئی درد باقی راہسی کیوں جو پہلیاں چیزاں ویندیاں ریہیاں۔“

مُکاشفہ 7:17

کیوں جو او لیلا جیہڑا تخت دے اَدھ ءچ ہے، اُنہاں دا آجڑی ہوسی تے اُنہاں کُوں زندگی دے پانڑی دے چشمیاں تئیں گِھن ویسی۔ تے خُدا اُنہاں دے اکھیں دے سارے ہنجُو پُونجھ ڈیسی۔“