2 تِیمُتھِیُس 1:10 - کِتاب مُقدّس سرائیکی ترجمہ

¹⁰ پر ہُنڑ او ساڈے نجات ڈیوݨ آلے یسُوع مسیح دے آوݨ نال ظاہر تھئے۔ اُوں موت دی طاقت کُوں ختم کر ڈِتا تے غیر فانی زندگی کُوں آپنڑی خوشخبری دے وسیلے نال روشن کر ڈِتا۔

2 تِیمُتھِیُس 1:10 Iomraidhean Croise

لُوقا 11:36

بس جے تیڈا سارا بدن روشنی نال بھریا ہووے تے کوئی حصہ اندھارے ءچ نہ ہووے، تاں او ایجھا روشن ہوسی جِینویں اُوں ویلے ہوندے جڈاں چراغ آپنڑی چمک نال تیکُوں روشن کریندے۔“

لُوقا 13:7

اِیں اُتے اُوں مالی کُوں آکھیا جو ’ڈیکھ مَیں ترے سالہاں کنُوں اِیں ہنجیر دے درخت ءچ پھل گولھنڑ آندا پِیا ہاں تے نئیں مِلدا۔ اِینکُوں کپ سَٹ، ایہ زمین کُوں وی کیوں روکی کھڑے؟‘

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

یُوحنّا 1:9

سچا نُور جیہڑا ہر ہِک اِنسان کُوں روشن کریندے، دُنیا ءچ آوݨ آلا ہا۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

یُوحنّا 5:40

وَل وی تُساں زندگی پاوݨ کیتے میڈے کولھ نئیں آوݨ چاہندے۔

اعمال 13:23

اِیندی نسل ءچوں خُدا آپنڑے وعدہ دے مطابق اِسرائیل دے کولھ ہِک نجات ڈیوݨ آلے یعنی یسُوع کُوں بھیجیا۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

1کُرِنتھِیوں 15:26

آخری دُشمنڑ جیہڑا فنا کیتا ویسی، او موت ہے۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

2کُرِنتھِیوں 5:4

اساں اِیں تمبُو ءچ راہندے ہوئے بھار تلے کراہندے ہیں اِیں واسطے نئیں جو اساں اِیں بدن کُوں چھوڑن چاہندے ہیں بلکہ اِیں واسطے جو ڈُوجھا بدن کپڑیاں وانگُوں پا گِھننڑ چاہندے ہیں تاں جو جیہڑا فانی ہے او ابدی زندگی ءچ غرق تھی ونجے۔

گلتِیوں 5:4

تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

2 تِیمُتھِیُس 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں تاں جو اُوں وعدہ کیتی ہوئی زندگی دی تبلیغ کراں جیہڑی مسیح یسُوع ءچ مِلدی ہے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

طِطُس 2:11

کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

طِطُس 3:4

پر جِیں ویلے ساڈے نجات ڈیوݨ آلے خُدا دی مہربانی تے محبت ظاہر تھئی

عبرانیوں 10:32

پر اُنہاں پہلے ڈینہاں کُوں یاد کرو جِیں ویلے تُساں اِیمان نال روشن تھیوݨ تُوں بعد شدید تکلیفاں دا ڈُکھ برداشت کیتا۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

2 پطرس 1:3

خُدا دی اِلٰہی قُدرت ساکُوں او سبھ چیزاں ڈِتیاں جیہڑیاں دیندار زندگی کیتے ضروری ہِن۔ تے ایہ ساکُوں اُوندی پچھاݨ دے وسیلے نال مِلیاں، جئیں ساکُوں آپنڑے جلال تے نیکی دے ذریعے سڈے۔

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

1 یُوحنّا 1:2

او جیہڑا خود زندگی ہا، ظاہر تھیّا تے اساں اُونکُوں ڈِٹھا۔ اساں اُوندی گواہی ڈے تے تُہاکُوں اُوں ہمیشاں دی زندگی دی خبر ڈیندے ہیں، جیہڑی باپ دے نال ہئی تے ساڈے اُتے ظاہر تھئی۔

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

مُکاشفہ 18:1

اِیندے بعد مَیں ہِک بئے فرشتہ کُوں اسمان کنُوں لہندے ڈِٹھا۔ او وڈے اِختیار آلا ہا تے اُوندے نُور کنُوں ساری زمین روشن تھی گئی۔

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

مُکاشفہ 20:14

وَل موت تے عالم ِ ارواح کُوں بھاہ دی جھیل ءچ سَٹ ڈِتا گِیا۔ ایہ بھاہ دی جھیل ڈُوجھی موت ہے۔

مُکاشفہ 22:14

مُبارک ہِن او جیہڑے آپنڑے چولے دھوندے ہِن کیوں جو زندگی دے درخت تئیں پُجنڑ دا حق پیسن تے اُنہاں پھاٹکاں کنُوں شہر ءچ داخل تھیسن۔

مُکاشفہ 22:17

رُوح تے کُنوار آدھی ہے، ”آ“ تے او وی جیہڑا سُنڑدا ہے، آکھے، ”آ۔“ جیہڑا ترِسّا ہووے تے جیہڑا زندگی دا پانڑی چاہوے او اُونکُوں مُفت ءچ گِھن گِھنے۔