2تھِسّلُنیکیوں 3:8 - کِتاب مُقدّس سرائیکی ترجمہ

⁸ تے نہ ای اساں کہیں دی روٹی مُفت ءچ کھاندے ہسے بلکہ ڈینہہ رات سخت محنت کریندے ہسے تاں جو تُہاڈے ءچوں کہیں اُتے بھار نہ بنڑوں۔

2تھِسّلُنیکیوں 3:8 Iomraidhean Croise

متّی 6:11

ساڈی روز دی روٹی اَج ساکُوں ڈے۔

اعمال 18:3

تے کیوں جو اَکوِلہ تے پرسکِلہ وی تمبُو بنڑاوݨ دا کم کریندے ہَن جِینویں پولُس کریندا ہا، اِیں واسطے او اُنہاں نال رہ تے کم کرݨ لگا۔

اعمال 20:34

تُساں خود جانڑدے ہیوے جو مَیں آپنڑے ہتھاں نال آپنڑی تے آپنڑے ساتھیاں دیاں ضرورتاں پُوریاں کیتیاں ہَن۔

1کُرِنتھِیوں 4:12

اساں آپنڑے ہتھاں نال سخت محنت کریندے ہیں۔ لوک ساکُوں بُرا بھلا آدھے ہِن پر اساں اُنہاں کُوں دُعا ڈیندے ہیں۔ جِیں ویلے لوک ساکُوں ستیندن تاں برداشت کریندے ہیں۔

1کُرِنتھِیوں 9:4

کیا ساکُوں کھاوݨ پِیوݨ دا حق نئیں؟

2کُرِنتھِیوں 11:27

مَیں محنت تے مُشقت کیتی، اکثر ساری رات جاگدا ریہا، بُکھا تے ترِسّا تے بہُوں پھیری فاقہ کیتا، سردی تے ننگے پن ءچ ریہا۔

2کُرِنتھِیوں 11:9

تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

اِفِسیوں 4:28

چوری کرݨ آلا اگُوں تے چوری نہ کرے بلکہ آپنڑے ہتھاں نال محنت کر تے کوئی چنگا کم کرے تاں جو مُتھاجاں دی مدد کرݨ کیتے اُوندے کولھ کُجھ ہووے۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

1تھِسّلُنیکیوں 4:11

تے جِینویں اساں تُہاکُوں ہدایت کیتی ہے، ہر بندہ چُپ چاپ رہ تے آپنڑے کم ءچ لگا راہوے تے آپنڑے ہتھ نال محنت کر تے روٹی کماوݨ دی کوشش کرے۔

2تھِسّلُنیکیوں 3:12

ایجھے لوکاں کُوں اساں خُداوند یسُوع مسیح دے ناں ءچ حُکم ڈیندے ہیں تے نصیحت کریندے ہیں جو او چُپ چاپ آپنڑا کم کر تے محنت دی روٹی کھاوݨ۔