2تھِسّلُنیکیوں 3:6 - کِتاب مُقدّس سرائیکی ترجمہ

⁶ بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

2تھِسّلُنیکیوں 3:6 Iomraidhean Croise

متّی 18:17

جے او اُنہاں دی وی نہ سُنڑے تاں کلیسیا کُوں ڈسا، تے جے او کلیسیا دی وی نہ سُنڑے تاں اُونکُوں محصُول گِھننڑ آلیاں تے غیر قوماں دے برابر جاݨ۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

1کُرِنتھِیوں 11:2

مَیں تُہاڈی تعریف کریندا ہاں جو تُساں ہر گالھ ءچ میکُوں یاد رکھیندے تے اُنہاں تعلیمات کُوں قائم رکھیندے ہیوے جیہڑیاں مَیں تُہاکُوں پُچائیاں۔

1کُرِنتھِیوں 5:4

وَل جِیں ویلے تُساں خُداوند یسُوع دے ناں اُتے جمع تھیسو، تے مَیں وی رُوحانی طور تے حاضر ہوساں تے ساڈے خُداوند یسُوع دی قُدرت وی تُہاڈے نال ہوسی،

1کُرِنتھِیوں 5:9

مَیں آپنڑے خط ءچ تُہاکُوں ایہ لِکھیا ہا جو زِناکاراں نال تعلق نہ رکھائے۔

2کُرِنتھِیوں 2:10

جِینکُوں تُساں معاف کریندے ہیوے اُونکُوں مَیں وی معاف کریندا ہاں۔ جے مَیں معافی ڈِتی تاں مسیح کُوں حاضر جاݨ تے تُہاڈی خاطر معاف کیتا۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

1تھِسّلُنیکیوں 4:11

تے جِینویں اساں تُہاکُوں ہدایت کیتی ہے، ہر بندہ چُپ چاپ رہ تے آپنڑے کم ءچ لگا راہوے تے آپنڑے ہتھ نال محنت کر تے روٹی کماوݨ دی کوشش کرے۔

1تھِسّلُنیکیوں 5:14

بِھراؤ! اساں تُہاڈی مِنت کریندے ہیں جو آلسیاں کُوں سمجھاؤ، بے دِلاں کُوں ہِمت ڈیواؤ، کمزوراں دی مدد کرو تے سارے لوکاں نال صبر نال پیش آؤ۔

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

2تھِسّلُنیکیوں 3:7

تُساں خود جانڑدے ہیوے جو تُہاکُوں ساڈے نمونے اُتے کِینویں چلنڑا چاہیدے، کیوں جو اساں تُہاڈے وچال آلسی نہ ہسے،

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

2 تِیمُتھِیُس 3:5

او دیندار تاں لگسن پر زندگی ءچ دینداری دا کوئی اثر قبول نہ کریسن۔ ایجھیاں کنُوں دُور ای راہویں۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 یُوحنّا 1:10

جے کوئی تُہاڈے کولھ آوے پر ایہ تعلیم نہ ڈیوے تاں اُونکُوں آپنڑے گھر ءچ داخل نہ تھیوݨ ڈیؤ بلکہ سلام وی نہ کرو۔