2تھِسّلُنیکیوں 3:2 - کِتاب مُقدّس سرائیکی ترجمہ

² تے ایہ وی دُعا کرو جو اساں بُرے تے شریر لوکاں کنُوں بچے راہوں کیوں جو سارے لوکاں ءچ اِیمان نئیں۔

2تھِسّلُنیکیوں 3:2 Iomraidhean Croise

متّی 17:17

یسُوع جواب ءچ آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

متّی 23:23

منافق شریعت دے عالمو تے فریسیو، تُہاڈے اُتے افسوس۔ تُساں پُودینہ، سونف تے زِیرے دا ڈاہواں حصہ تاں نذر دے طور تے ڈیندے ہیوے پر شریعت دے زیادہ وزنی گالھیں یعنی اِنصاف تے رحم تے اِیمان کُوں چھوڑ ڈِتے۔ لازم ہا جو ایہ وی کریندے تے او وی نہ چھوڑیندے۔

لُوقا 18:8

مَیں تُہاکُوں آدھا ہاں جو او اُنہاں دا جلدی اِنصاف کریسی۔ وَل وی جِیں ویلے اِبنِ آدم آسی تاں کیا زمین اُتے اِیمان پے سی؟“

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 13:50

پر یہُودیاں خُدا پرست تے معزز عورتاں تے شہر دے راہنماواں کُوں بھڑکایا تے پولُس تے برنباس کُوں ستاوݨ کیتے اُبھار تے اُنہاں کُوں آپنڑے علاقے ءچوں کڈھ ڈِتا۔

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

اعمال 17:5

پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

اعمال 25:27

کیوں جو کہیں قیدی کُوں بھجیندے ویلے اُوندے اُتے لائے گئے اِلزامات کُوں ظاہر نہ کرݨ، میڈے نزدیک عقل دی گالھ نئیں۔“

اعمال 28:24

کُجھ اُوندے گالھیں سُنڑ تے قائل تھی گئے پر کُجھ نہ منے۔

رومیوں 10:16

پر ساریاں اُوں خوشخبری کُوں قبول نئیں کیتا۔ اِیں واسطے یسعیاہ آدھے جو ”یا رب، ساڈے پیغام اُتے کوݨ اِیمان گِھن آئے ؟“

رومیوں 15:31

دُعا کرو جو مَیں یہُودیہ دے غیر اِیمانداراں کنُوں بچیا راہاں تے میڈی خدمت یروشلیم دے مُقدّساں کُوں پسند آوے۔

1کُرِنتھِیوں 15:32

جے مَیں صرف اِنسانی اُمید رکھیندے ہوئے اِفِسُس ءچ جنگلی جانوراں نال لڑیا تاں میکُوں کیا فائدہ تھیّا؟ جے مُردے زندہ نہ کیتے ویسن، تاں ”آؤ کھاؤں پِیؤں کیوں جو کل تاں مرنڑا ای ہے۔“

1تھِسّلُنیکیوں 2:18

اِیں واسطے اساں تُہاڈے کولھ آوݨ چاہندے ہسے خاص طور تے مَیں پولُس ولا ولا کوشش کیتی، پر شیطان ساکُوں روکی رکھیا۔

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔