2تھِسّلُنیکیوں 2:8 - کِتاب مُقدّس سرائیکی ترجمہ

⁸ وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

2تھِسّلُنیکیوں 2:8 Iomraidhean Croise

متّی 13:19

جِیں ویلے کوئی بادشاہی دا کلام سُنڑدے پر سمجھدا نئیں تاں شیطان اُوں کلام کُوں جیہڑا اُوندے دل ءچ رہایا گِیا ہا کَھس گِھندے۔ ایہ او ہے جیہڑا راہ دے کنارے رہایا گِیا ہا۔

متّی 13:38

رَڑھ دُنیا ہے تے چنگا بیج بادشاہی دے فرزند تے کڑوے دانڑے اُوں شریر دے فرزند ہِن۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

1کُرِنتھِیوں 1:28

خُدا اِیں جہان دے ذلیل تے حقیر سمجھے ونجنڑ آلیاں کُوں بلکہ ناچیزاں کُوں چُنڑ گِھدا تاں جو اُنہاں چیزاں کُوں جیہڑیاں کُجھ سمجھیاں ویندیاں ہِن، فنا کرے۔

2تھِسّلُنیکیوں 2:3

تُساں کہیں دے دوکھے ءچ نہ اوائے۔ کیوں جو او ڈینہہ اُوں ویلے تئیں نہ آسی جئیں تئیں خُدا دے خلاف وڈی بغاوت نہ تھی ونجے تے او بدکار ظاہر نہ تھی ونجے جِیندا انجام ہلاکت ہے۔

1 تِیمُتھِیُس 6:14

جو جئیں تئیں ساڈا خُداوند یسُوع مسیح ظاہر نہ تھی ونجے، جیہڑا حُکم تیکُوں ڈِتا گئے اُوندے اُتے بغیر کہیں غلطی تے ناکامی دے عمل کر۔

2 تِیمُتھِیُس 1:10

پر ہُنڑ او ساڈے نجات ڈیوݨ آلے یسُوع مسیح دے آوݨ نال ظاہر تھئے۔ اُوں موت دی طاقت کُوں ختم کر ڈِتا تے غیر فانی زندگی کُوں آپنڑی خوشخبری دے وسیلے نال روشن کر ڈِتا۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

عبرانیوں 10:27

وَل صرف خُدا دی عدالت دا خوفناک اِنتظار تے بھڑکدی ہوئی بھاہ باقی ہے جیہڑی خُدا دے دُشمنڑاں کُوں کھا ویسی۔

1 یُوحنّا 2:13

بزُرگو! مَیں تُہاکُوں اِیں واسطے لِکھدا پِیا ہاں جو تُساں اُونکُوں جیہڑا ازل کنُوں موجود ہے، جاݨ گِھدے۔ جوانو! مَیں تُہاکُوں اِیں واسطے لِکھدا پِیا ہاں جو تُساں ابلیس اُتے غالب آ گئے ہیوے۔ بالو! مَیں تُہاکُوں اِیں واسطے لِکھیا ہے جو تُساں خُدا باپ کُوں جاݨ گِھدے۔

1 یُوحنّا 3:12

قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

1 یُوحنّا 5:18

اساں جانڑدے ہیں جو جیہڑا کوئی خُدا دا فرزند بنڑ گئے، او گُناہ نئیں کریندا راہندا کیوں جو خُدا دا پوتر اُوندی حفاظت کریندے تے ابلیس اُونکُوں نُقصان نئیں پُچا سگدا۔

مُکاشفہ 1:16

اُوندے سجے ہتھ ءچ سَت تارے ہَن۔ اُوندے مُنہ ءچوں ہِک ڈُو دھاری تیز تلوار نِکلدی پئی ہئی تے اُوندا چہرہ اِینویں چمکدا پِیا ہا جِینویں سِجھ پُوری شِدت نال چمکدا پِیا ہووے۔

مُکاشفہ 13:5

حیوان کُوں وڈے وڈے بول بولنڑ تے کُفر بَکنڑ کیتے ہِک مُنہ ڈِتا گِیا۔ اُونکُوں اِختیار ڈِتا گِیا جو او بِتالیہہ مہینے تئیں ایہ کم کریندا راہوے۔

مُکاشفہ 19:15

اُوندے مُنہ ءچوں ہِک تیز تلوار نِکلدی ہے جیندے نال او قوماں کُوں مریسی۔ او لُوہے دے عصا نال اُنہاں اُتے حکُومت کریسی۔ او اُنہاں کُوں قادر ِ مُطلق خُدا دے قہر دے شراب دے حوض ءچ انگُوراں وانگُوں لتاڑ ڈیسی۔

مُکاشفہ 2:16

اِیں واسطے توبہ کر، نہ تاں مَیں جلدی تیڈے کولھ آساں تے آپنڑے مُنہ دی تلوار نال اُنہاں نال لڑساں۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔