2تھِسّلُنیکیوں 2:7 - کِتاب مُقدّس سرائیکی ترجمہ

⁷ کیوں جو بدی دی لُکی ہوئی طاقت ہُنڑ وی آپنڑا اثر کریندی پئی ہے، پر ہِک روکنڑ آلا وی ہے تے جئیں تئیں او روکنڑ آلا رستے کنُوں ہٹایا نہ ونجے او اُوں بدکار کُوں روکی رکھیسی۔

2تھِسّلُنیکیوں 2:7 Iomraidhean Croise

اعمال 20:29

مَیں ایہ جانڑدا ہاں جو میڈے ونجنڑ دے بعد پھاڑ ڈیوݨ آلے نہر تُہاڈے وچال آ ویسن تے اِجڑ کُوں نہ چُھڑیسن۔

2تھِسّلُنیکیوں 2:6

تے تُساں جانڑدے ہیوے جو کیا کُچھ اُوں بدکار کُوں روکی پئے تاں جو او صرف آپنڑے مقرر وقت اُتے ظاہر تھیوے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

1 یُوحنّا 4:3

پر جیہڑی رُوح یسُوع دے بارے ءچ ایہ اِقرار نہ کرے تاں او خُدا دی طرفوں نئیں۔ اِیہو مسیح دے مخالف دی رُوح ہے جیندے بارے ءچ تُساں سُنڑ گِھدے جو او آوݨ آلا ہے بلکہ ہُنڑ وی دُنیا ءچ موجود ہے۔

مُکاشفہ 17:5

اُوندے متھے اُتے ایہ راز آلا ناں لِکھیا ہا، ”عظیم شہر بابل، سبھ طوائفاں تے زمین دیاں مکرُوہ چیزاں دی ماء۔“

مُکاشفہ 17:7

پر اُوں فرشتے میکُوں آکھیا جو ”تُوں کیوں حیران تھی گِیا ہیں؟ مَیں تیکُوں اُوں عورت دا تے اُوں حیوان دا راز ڈسیندا ہاں، جیندے اُتے او سوار ہے تے جیندے سَت سر تے ڈاہ سینگ ہِن۔