2تھِسّلُنیکیوں 2:2 - کِتاب مُقدّس سرائیکی ترجمہ

² جو جڈاں لوک دعویٰ کرݨ جو کہیں اِلہام یا پیغام تُوں یا ساڈی طرفوں کہیں خط تُوں پتا چلے جو خُداوند دے واپس آوݨ دا ڈینہہ آ گئے تاں تُساں پریشان نہ تھیوائے تے نہ گھبرائے۔

2تھِسّلُنیکیوں 2:2 Iomraidhean Croise

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

مرقس 13:7

جِیں ویلے تُساں جنگاں تے جنگاں دیاں افواہاں سُنڑو تاں گھبرا نہ وَنجائے۔ اِنہاں دا تھیوݨ لازم ہے پر اُوں ویلے خاتمہ نہ تھیسی۔

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔

لُوقا 21:9

تے جِیں ویلے جنگاں تے فساداں دیاں افواہاں سُنڑو تاں گھبرا نہ وَنجائے کیوں جو پہلے اُنہاں دا تھیوݨ لازم ہے پر اُوں ویلے فوراً خاتمہ نہ تھیسی۔“

یُوحنّا 14:1

”تُہاڈا دل نہ گھبراوے۔ تُساں خُدا اُتے اِیمان رکھیندے ہیوے، میڈے اُتے وی اِیمان رکھو۔

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

1کُرِنتھِیوں 14:32

نبیاں دیاں رُوحاں نبیاں دے تابع ہوندیاں ہِن،

1کُرِنتھِیوں 7:26

میڈے خیال ءچ اِیں مُصیبت دے دور ءچ تُہاڈے کیتے اِیہو چنگا ہے جو تُساں جِینویں ہیوے اُونویں ای راہو۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

1تھِسّلُنیکیوں 3:3

تاں جو اِنہاں مُصیبتاں دے سببّوں کوئی گھبرا نہ ونجے، کیوں جو تُساں خود جانڑدے ہیوے جو اساں اِنہاں کیتے مقرر کیتے گئے ہیں۔

1تھِسّلُنیکیوں 4:15

اساں خُداوند دی طرفوں تُہاکُوں آدھے ہیں جو اساں جیہڑے زندہ ہیں تے خُداوند دے آوݨ تئیں باقی راہسوں، اُنہاں کنُوں پہلے ہرگز اُونکُوں نہ مِلسُوں جیہڑے پہلے سَم گئے ہِن۔

1تھِسّلُنیکیوں 5:2

کیوں جو تُساں چنگی طرحاں جانڑدے ہیوے جو خُداوند دے واپس آوݨ دا ڈینہہ اِینویں آوݨ آلا ہے جِینویں چور رات کُوں آندے۔

2تھِسّلُنیکیوں 2:15

اِیں واسطے بِھراؤ! ثابت قدم راہو تے اُنہاں تعلیمات اُتے قائم راہو جیہڑیاں تُساں ساڈی زبانی سُنڑیاں یا ساڈے خط دے ذریعے سِکھیاں۔

2تھِسّلُنیکیوں 3:17

مَیں پولُس آپنڑے ہتھ نال ایہ سلام لِکھدا ہاں۔ ہر خط ءچ میڈا اِیہو نشان ہوندے جیہڑا مَیں ثبوت دے طور تے لِکھدا ہاں۔

مُکاشفہ 19:20

پر اُوں حیوان کُوں گرفتار کر گِھدا گِیا تے اُوندے نال اُوں کُوڑے نبی کُوں وی جئیں اُوندی خاطر معجزانہ نشان ڈِکھائے ہَن۔ اُنہاں معجزیاں دے ذریعے اُوں اُنہاں لوکاں کُوں جِنہاں حیوان دا نشان لوایا ہا تے اُوندے بُت دی عبادت کیتی ہئی، گُمراہ کیتا ہا۔ او ڈوہائیں گندھک نال بلدی ہوئی بھاہ دی جھیل ءچ زندہ سَٹ ڈِتے گئے۔