2تھِسّلُنیکیوں 1:8 - کِتاب مُقدّس سرائیکی ترجمہ

⁸ او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

2تھِسّلُنیکیوں 1:8 Iomraidhean Croise

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

یُوحنّا 3:19

تے سزا دے حُکم دی وجہ ایہ ہے جو نُور دُنیا ءچ آیا تے لوکاں نُور دی بجائے اندھارے کُوں پسند کیتا، اِیں واسطے جو اُنہاں دے کم بُرے ہَن۔

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 10:16

پر ساریاں اُوں خوشخبری کُوں قبول نئیں کیتا۔ اِیں واسطے یسعیاہ آدھے جو ”یا رب، ساڈے پیغام اُتے کوݨ اِیمان گِھن آئے ؟“

رومیوں 15:18

پر میکُوں کہیں بئے کم کُوں بیان کرݨ دی جُرأت نئیں سوائے اِنہاں کماں دے جیہڑے مسیح غیریہُودیاں کُوں خُدا دے تابع کرݨ کیتے میڈے ذریعے کیتے۔ اُوں ایہ سبھ کُجھ، کم، کلام،

رومیوں 16:26

پر ہُنڑ ظاہر تھی گئے۔ او ازلی خُدا دے حُکم دے مطابق نبیاں دیاں کتاباں دے ذریعے ساریاں قوماں کُوں ڈسایا گِیا ہے تاں جو او اِیمان گِھن آ تے خُدا دے تابع تھی ونجنڑ۔

رومیوں 6:16

کیا تُساں نئیں جانڑدے جو تُساں جیندی فرمانبرداری کرݨ کیتے آپنڑے آپ کُوں غُلاماں وانگُوں سپُرد کر ڈیندے ہیوے، اُوندے ای غُلام ہیوے؟ یا تُساں گُناہ دے غُلام ہیوے، جِیندا انجام موت ہے، یا خُدا دے، جِیندا انجام راستبازی ہے۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

2کُرِنتھِیوں 10:5

اساں اُنہاں دلیلاں تے ہر اُوں چیز کُوں ڈھا ڈیندے ہیں جیہڑی خُدا دی پچھاݨ دے خلاف اُٹھ کھڑی تھئی ہے تے اساں ہر خیال کُوں قید کر تے مسیح دا فرمانبردار بنڑا ڈیندے ہیں۔

گلتِیوں 3:1

نادان گلِتیو! تُہاڈے اُتے کئیں جادُو کر ڈِتے؟ تُہاڈے سامنڑے یسُوع مسیح تے اُوندی صلیبی موت کُوں اِتنی صفائی نال پیش کیتا گئے جِینویں ایہ تُہاڈے اکھیں دے سامنڑے تھیّا ہووے۔

گلتِیوں 4:8

اِیں تُوں پہلے جِیں ویلے تُساں خُدا تُوں واقف نہ ہَوے تاں تُساں ایجھے معبُوداں دے غُلام ہَوے جیہڑے خُدا ہِن کائنی۔

1تھِسّلُنیکیوں 4:5

اُنہاں قوماں وانگُوں شہوت پرستی ءچ زندگی نہ گُزارو، جیہڑیاں خُدا کُوں نئیں جانڑدیاں۔

عبرانیوں 10:27

وَل صرف خُدا دی عدالت دا خوفناک اِنتظار تے بھڑکدی ہوئی بھاہ باقی ہے جیہڑی خُدا دے دُشمنڑاں کُوں کھا ویسی۔

عبرانیوں 10:30

کیوں جو اساں اُونکُوں جانڑدے ہیں جئیں فرمائے جو ”اِنتقام گِھننڑ میڈا کم ہے، بدلہ مَیں ای گِھنساں۔“ تے وَل ایہ جو ”رب العالمین آپنڑے لوکاں دا اِنصاف کریسی۔“

عبرانیوں 11:8

اِیمان دی وجہ کنُوں ای ابرہام جِیں ویلے سڈیا گِیا تاں خُدا دا حُکم مَن تے اُوں جاہ دو چلیا گِیا جیہڑی بعد ءچ اُونکُوں میراث ءچ مِلنڑ آلی ہئی۔ بھانویں جو او جانڑدا وی نہ ہا جو او کِتھاں ویندا پئے، وَل وی روانہ تھی گِیا۔

عبرانیوں 12:29

کیوں جو ساڈا خُدا ”ساڑ تے سواہ کر ڈیوݨ آلی بھاہ ہے۔“

عبرانیوں 2:3

تاں وَل جے اساں اِتنی وڈی نجات کُوں نظر انداز کرُوں تاں کِینویں بچ سگسوں؟ کیوں جو اِیں نجات دا اعلان پہلے خُداوند خود کیتا تے وَل جِنہاں لوکاں اِینکُوں سُنڑیا، اُنہاں اُوندی سچائی ساڈے اُتے ثابت کر ڈِتی۔

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

1 پطرس 3:6

جِینویں سارہ، جئیں آپنڑے پئے ابرہام کُوں مالک آکھ تے اُوندی فرمانبرداری کیتی۔ جے تُساں وی نیکی کرو تے کہیں وی ڈراوݨ آلی چیز تُوں نہ ڈرو تاں تُساں وی سارہ دیاں دِھیاں ہوسو۔

1 پطرس 4:17

کیوں جو عدالت دا ویلا آ گئے تے عدالت خُدا دے گھر آلیاں تُوں شروع تھیسی تے جڈاں عدالت ساڈے تُوں شروع تھیسی تاں اُنہاں دا انجام کیا ہوسی جیہڑے خُدا دی خوشخبری کُوں نئیں منیندے۔

2 پطرس 3:7

تے موجودہ اسمان تے زمین خُدا دے کلام دے وسیلہ نال بھاہ ءچ ساڑے ونجنڑ کیتے رکھے گئے ہِن۔ او بے دیناں دی عدالت تے ہلاکت دے ڈینہہ تئیں محفوظ راہسن۔

یہُوداہ 1:7

اِینویں ای سدُوم تے عمُورہ تے اُوندے آسُوں پاسُوں دے شہراں دے لوک وی زِنا کاری تے بدفعلی کرݨ لگ پئے ہَن۔ تے او ہمیشاں تئیں بلنڑ آلی بھاہ دی سزا بُھگتدے ہوئے عِبرت دا نشان بنڑ گئے۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

مُکاشفہ 6:10

اُنہاں اُچی اواز ءچ آکھیا، ”اے مالک! قدُّوس تے سچے خُدا، تُوں کڈݨ تئیں زمین آلیاں دی عدالت نہ کریسیں تے اُنہاں کنُوں ساڈے خون دا بدلہ نہ گِھنسیں؟“