2تھِسّلُنیکیوں 1:12 - کِتاب مُقدّس سرائیکی ترجمہ

¹² تاں جو ساڈے خُداوند یسُوع مسیح دا ناں تُہاڈی وجہ کنُوں عزت پاوے تے تُساں وی اُوندے وسیلے عزت پاؤ۔ ایہ ساڈے خُدا تے خُداوند یسُوع مسیح دے فضل نال تھیسی۔

2تھِسّلُنیکیوں 1:12 Iomraidhean Croise

یُوحنّا 17:10

جیہڑا وی میڈا ہے او تیڈا ہے تے جیہڑا تیڈا ہے او سبھ میڈا ہے تے میڈا جلال اِنہاں دے وسیلے ظاہر تھیّا ہے۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

1کُرِنتھِیوں 1:4

مَیں تُہاڈے کیتے ہمیشاں خُدا دا شُکر کریندا ہاں کیوں جو اُوں یسُوع مسیح ءچ تُہاڈے اُتے فضل کیتے۔

2کُرِنتھِیوں 13:4

ہا، او کمزوری دی حالت ءچ صلیب اُتے چڑھایا گِیا پر خُدا دی قُدرت دے سببّوں زندہ ہے، تے اساں وی اُوندی طرحاں کمزور تاں ہیں پر اُوندے نال خُدا دی اُوں قُدرت دے سببّوں زندہ ہوسُوں جیہڑی تُہاڈے کیتے ہے۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

2تھِسّلُنیکیوں 1:10

ایہ اُوں ڈینہہ تھیسی جڈاں یسُوع آ تے آپنڑے مُقدّس لوکاں ءچ جلال پیسی تے سبھ اِیماندار اُوندی شان ڈیکھ تے حیران تھیسن تے اُوندی تعریف کریسن۔ اُنہاں ءچ تُساں وی شامل ہوسو کیوں جو تُساں ساڈی گواہی اُتے اِیمان گِھن آئے ہَوے۔

طِطُس 2:11

کیوں جو خُدا دا او فضل ظاہر تھی گِیا ہے جیہڑا یکے اِنساناں دی نجات دا سبب ہے۔

1 پطرس 4:14

جے مسیح دے ناں دے سببّوں تُہاڈی بے عزتی کیتی ویندی ہے تاں تُساں مُبارک ہیوے کیوں جو خُدا دا جلالی رُوح القُدس تُہاڈے اُتے چھاں کیتی پئے۔

مُکاشفہ 1:4

ایہ پیغام یُوحنّا دی طرفوں، اُنہاں سَت کلیسیاواں دے ناں ہے جیہڑیاں آسِیہ صوبے ءچ ہِن۔ تُہاکُوں اُوندی طرفوں فضل تے اِطمینان حاصل تھیندا راہوے، جیہڑا ہے، جیہڑا ہا تے جیہڑا آوݨ آلا ہے، تے اُنہاں سَت رُوحاں دی طرفوں جیہڑیاں اُوندے تخت دے سامنڑے ہِن،