2 پطرس 3:17 - کِتاب مُقدّس سرائیکی ترجمہ

¹⁷ اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

2 پطرس 3:17 Iomraidhean Croise

متّی 16:11

تُساں ایہ کیوں نئیں سمجھے جو مَیں تُہاکُوں روٹی دے بارے ءچ نئیں آکھیا؟ بس فریسیاں تے صدوقیاں دے خمیر کنُوں خبردار راہو۔“

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

یُوحنّا 16:4

پر مَیں ایہ گالھیں تُہاکُوں اِیں واسطے آکھیاں ہِن جو جِیں ویلے اُنہاں دا وقت آوے تاں تُہاکُوں یاد آ ونجے جو مَیں تُہاکُوں پہلے ای چِتا ڈِتا ہا۔ شروع ءچ مَیں ایہ گالھیں اِیں واسطے تُہاکُوں نئیں آکھیا جو مَیں تُہاڈے نال ہم،

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

1کُرِنتھِیوں 10:12

بس جیہڑا کوئی آپنڑے آپ کُوں اِیمان ءچ مضبوطی نال قائم سمجھدے، خبردار راہوے جو کِتھائیں ڈھے نہ پووے۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

2کُرِنتھِیوں 11:3

پر میکُوں ڈر ہے، کِتھائیں اِینویں نہ تھیوے جو جِینویں نانگ آپنڑی مکاری نال حوّا کُوں ورغلا گِھدا، اُونویں ای تُہاڈے خیال وی خراب تھی ونجنڑ تے تُساں مسیح کیتے اُوں خلوص دِلی تے پاک دامنی کُوں چھوڑ ڈیؤ۔

گلتِیوں 5:4

تُساں جیہڑے شریعت دے وسیلے نال راستباز بنڑݨ چاہندے ہیوے، مسیح کنُوں اَنج تھی گئے ہیوے تے فضل تُوں محروم تھی گئے ہیوے۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

فِلِپّیوں 3:2

اُنہاں کُتیاں کنُوں ہُشیار راہو، یعنی اُنہاں بدکاراں تے جِسم کٹواوݨ آلیاں کنُوں۔

کلُسِّیوں 2:5

بے شک مَیں بظاہر تُہاڈے نال اُتھاں موجود نئیں، وَل وی مَیں رُوحانی طور تے تُہاڈے نال ہاں تے ایہ ڈیکھ تے خوش ہاں جو تُساں ترتیب نال زندگی گُزریندے تے مسیح اُتے آپنڑے اِیمان ءچ قائم ہیوے۔

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

2 تِیمُتھِیُس 4:15

تُوں اُوں کنُوں خبردار راہویں کیوں جو اُوں ساڈے پیغام دی سخت مخالفت کیتی ہئی۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

1 پطرس 5:9

اِیمان ءچ مضبوط راہندے ہوئے اُوندا مُقابلہ کرو۔ تُساں جانڑدے ہیوے جو پُوری دُنیا ءچ تُہاڈے بِھرا وی اِینویں ای ڈُکھ سہندے پئے ہِن۔

2 پطرس 2:7

پر راستباز لُوط کُوں بچایا جیہڑا بدکاراں دے گندے چال چلنڑ تُوں تنگ ہا۔

2 پطرس 3:1

عزیزو! ایہ ڈُوجھا خط ہے جیہڑا مَیں تُہاکُوں لِکھدا پِیا ہاں۔ مَیں ڈُوہائیں خطاں ءچ تُہاڈی یاداشت کُوں تازہ کر تے تُہاڈے ذہناں ءچ پاک سوچ کُوں اُبھارݨ دی کوشش کیتی۔

مُکاشفہ 2:5

بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔