2 پطرس 3:16 - کِتاب مُقدّس سرائیکی ترجمہ

¹⁶ او آپنڑے سبھ خطاں ءچ اِنہاں گالھیں دا ذِکر کریندے۔ اُوندے کُچھ گالھیں دا سمجھنڑ مُشکل ہے، تے احمق تے بے قیام لوک اُنہاں دے معنی کُوں اِینویں تروڑ مروڑ تے پیش کریندے ہِن، جِینویں او ڈُوجھے صحیفیاں نال وی کریندے ہِن۔ او آپنڑے کیتے تباہی پیدا کریندے ہِن۔

2 پطرس 3:16 Iomraidhean Croise

متّی 15:3

اُوں جواب ڈِتا، ”تُساں کیوں آپنڑیاں رسماں نال خُدا دے حُکماں دی خلاف ورزی کریندے ہیوے؟

متّی 15:6

تاں او اُوں چیز نال آپنڑے ماء پِیُو دی خدمت بےشک نہ کرے۔ بس تُساں آپنڑی رسم نال خُدا دے کلام کُوں بے اثر کر ڈِتے۔

متّی 22:29

یسُوع اُنہاں کُوں جواب ءچ آکھیا، ”تُساں گُمراہ ہیوے اِیں واسطے جو نہ تاں خُدا دے کلام کُوں جانڑدے ہیوے، نہ خُدا دی قُدرت کُوں۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

عبرانیوں 5:11

اِیندے بارے ءچ ساکُوں مزید بہُوں کُجھ آکھنڑا ہے پر تُہاکُوں سمجھاونڑا مُشکل ہے، کیوں جو تُساں ڈورے ہیوے۔

یعقُوب 1:8

کیوں جو او ڈُو دِلا ہے تے کہیں گالھ اُتے نئیں کھڑدا۔

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

2 پطرس 3:2

مَیں چاہندا ہاں جو تُساں پاک نبیاں دیاں پیشن گوئیاں تے ساڈے خُداوند تے نجات ڈیوݨ آلے دے حُکم کُوں یاد رکھو جیہڑا اساں رسُولاں دے ذریعے تُہاڈے تئیں پُجیا ہے۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔