2 پطرس 3:14 - کِتاب مُقدّس سرائیکی ترجمہ

¹⁴ بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

2 پطرس 3:14 Iomraidhean Croise

متّی 24:26

اِیں واسطے جے کوئی تُہاکُوں آکھے جو ’ڈیکھو او بیابان ءچ ہے،‘ تاں باہر نہ وَنجائے یا ایہ جو ’او اندر کوٹھڑیاں ءچ ہے،‘ تاں یقین نہ کرائے۔

متّی 25:7

اِیں گالھ اُتے ساریاں کُنواریاں جاگ پئیاں تے آپنڑے آپنڑے ڈیوے بالنڑ لگیاں۔

لُوقا 12:43

مُبارک ہے او نوکر جِیندا مالک آ تے اُونکُوں اِینویں ای کریندا ڈیکھے۔

لُوقا 2:29

”مالک! تُوں آپنڑے وعدے دے مطابق ہُنڑ آپنڑے خادم کُوں سلامتی نال رُخصت کر۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

فِلِپّیوں 2:15

تاں جو تُساں بے اِلزام تے پاک تھی تے ٹیڑھے تے گُمراہ لوکاں ءچ خُدا دے بے عیب فرزند بنڑے راہو، جِنہاں دے وچال تُساں اسمان دے تاریاں وانگُوں چمکدے ہیوے۔

فِلِپّیوں 3:20

پر ساڈی شہریت اسمان اُتے ہے تے اساں آپنڑے نجات ڈیوݨ آلے یعنی خُداوند یسُوع مسیح دے اُتھوں کنُوں واپس آوݨ دے اِنتظار ءچ ہیں۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

1 تِیمُتھِیُس 6:14

جو جئیں تئیں ساڈا خُداوند یسُوع مسیح ظاہر نہ تھی ونجے، جیہڑا حُکم تیکُوں ڈِتا گئے اُوندے اُتے بغیر کہیں غلطی تے ناکامی دے عمل کر۔

عبرانیوں 9:28

اُونویں ای مسیح وی بہُوں سارے لوکاں دے گُناہ آپنڑے سر اُتے چاوݨ کیتے ہِکے پھیری قُربان تھیّا۔ تے او ڈُوجھی پھیری گُناہ چاوݨ کیتے نئیں بلکہ اُنہاں لوکاں کُوں نجات ڈیوݨ کیتے ڈِکھالی ڈیسی جیہڑے اُوندے اِنتظار ءچ ہِن۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

2 پطرس 3:1

عزیزو! ایہ ڈُوجھا خط ہے جیہڑا مَیں تُہاکُوں لِکھدا پِیا ہاں۔ مَیں ڈُوہائیں خطاں ءچ تُہاڈی یاداشت کُوں تازہ کر تے تُہاڈے ذہناں ءچ پاک سوچ کُوں اُبھارݨ دی کوشش کیتی۔

2 پطرس 3:16

او آپنڑے سبھ خطاں ءچ اِنہاں گالھیں دا ذِکر کریندے۔ اُوندے کُچھ گالھیں دا سمجھنڑ مُشکل ہے، تے احمق تے بے قیام لوک اُنہاں دے معنی کُوں اِینویں تروڑ مروڑ تے پیش کریندے ہِن، جِینویں او ڈُوجھے صحیفیاں نال وی کریندے ہِن۔ او آپنڑے کیتے تباہی پیدا کریندے ہِن۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔