2 پطرس 2:19 - کِتاب مُقدّس سرائیکی ترجمہ

¹⁹ ایہ کُوڑے اُستاد اُنہاں دے نال تاں ازادی دا وعدہ کریندے ہِن پر خود بُرائی دے غُلام بنڑے پئے ہِن۔ کیوں جو جیہڑی چیز اِنسان اُتے غالب آ ویندی ہے، اِنسان اُوندی غُلامی ءچ ہوندے۔

2 پطرس 2:19 Iomraidhean Croise

یُوحنّا 8:34

یسُوع اُنہاں کُوں جواب ڈِتا، ”مَیں تُہاکُوں سچ آدھا ہاں جو جیہڑا کوئی گُناہ کریندے او گُناہ دا غُلام ہے۔

اعمال 19:16

وَل جئیں بندے ءچ بدرُوح ہئی، اُوں اُنہاں اُتے ٹپّا ماریا تے اُنہاں کُوں قابو کر تے ایجھا کُٹیا جو او اُتھوں زخمی تے ننگے ای بھج گئے۔

گلتِیوں 5:1

مسیح ساکُوں ازاد راہنڑ کیتے ازاد کیتے۔ بس اِیں ازادی ءچ ثابت قدم راہو تے ولا غُلامی دی پنجالی ءچ نہ جُتو۔

گلتِیوں 5:13

بِھراؤ! تُساں ازاد راہنڑ کیتے سڈے گئے ہیوے پر اِیں ازادی کُوں آپنڑیاں جِسمانی خواہشاں کُوں پُورا کرݨ کیتے اِستعمال نہ کرو بلکہ محبت نال ہِک ڈُوجھے دی خدمت کریندے راہو۔

2 تِیمُتھِیُس 2:26

وَل او ہوش ءچ آسن تے ابلیس دے پھندے کنُوں چُھٹ ویسن جِتھاں او اُوندے تابع راہوݨ کیتے رکھے گئے ہَن۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

1 پطرس 2:16

تُساں ازاد ہیوے، اِیں واسطے ازادی نال زندگی گُزارو، پر آپنڑی ازادی کُوں بدکاری دا پڑدہ نہ بنڑاؤ بلکہ آپنڑے آپ کُوں خُدا دے غُلام جانڑو۔

2 پطرس 1:4

اِنہاں دے ذریعے اُوں ساڈے نال قیمتی تے بہُوں وڈے وعدے کیتے تاں جو اُنہاں دے وسیلہ نال تُساں اِیں دُنیاوی خرابی کنُوں جیہڑی بُری خواہش دے سببّوں ہے، چُھٹ تے خُدا دی اِلٰہی ذات ءچ شریک تھی ونجو۔

2 پطرس 2:20

تے جے او لوک خُداوند تے نجات ڈیوݨ آلے یسُوع مسیح دی پچھاݨ دے وسیلہ نال دُنیا دی گندگی کنُوں چُھٹ تے ولا کنُوں اُوندے ءچ پَھس ونجنڑ تے اُوندے قبضے ءچ آ ونجنڑ، تاں اُنہاں دی حالت پہلی حالت کنُوں وی بدتر تھی ویندی ہے۔