2 پطرس 2:13 - کِتاب مُقدّس سرائیکی ترجمہ

¹³ ڈُوجھیاں کُوں نُقصان پُچاوݨ دے بدلے ءچ اُنہاں کُوں نُقصان تھیسی۔ اُنہاں دے نیڑے لُطف چاوݨ تُوں مُراد ایہ ہے جو ڈینہہ ویلے کُھل تے عیاشی کرݨ۔ او داغ تے دھبے ہِن جیہڑے تُہاڈے نال رفاقتی کھانڑے ءچ شریک تھی تے عیاشیاں کریندے ہِن۔

2 پطرس 2:13 Iomraidhean Croise

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

اِفِسیوں 5:27

تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

2 تِیمُتھِیُس 4:14

پِتّل دے برتن بنڑاوݨ آلے سکندر میکُوں بہُوں نُقصان پُچائے۔ خُداوند اُونکُوں اُوندے کماں دا بدلہ ڈیسی۔

یعقُوب 5:5

تُساں زمین اُتے عیش و عشرت تے مزے نال زندگی گُزاری۔ تُساں آپنڑے آپ کُوں گاں وانگُوں ذبح دے ڈینہہ کیتے موٹا کیتا۔

1 پطرس 4:4

تے ہُنڑ او لوک حیران تھیندن جو تُساں ایجھیاں سبھ بدکاریاں ءچ اُنہاں دا ساتھ نئیں ڈیندے، تے او تُہاکُوں بُرا بھلا آدھے ہِن۔

2 پطرس 2:15

او صحیح راہ کُوں چھوڑ تے گُمراہ تھی گئے ہِن تے بلعام بِن بعور دے رستے اُتے ٹُردے پئے ہِن جئیں بُرے کماں دی مزدُوری کُوں پسند کیتا۔

مُکاشفہ 18:6

جِینویں بابل کیتے، تُساں وی اُوندے نال اُونویں ای کرو۔ اُونکُوں اُوندے کماں دا ڈُونڑا بدلہ ڈیؤ، تے جِتنا پیالہ اُوں بھر تے ڈِتے، تُساں اُوں کنُوں ڈُونڑا بھر تے اُونکُوں ڈیؤ۔