2 پطرس 1:12 - کِتاب مُقدّس سرائیکی ترجمہ

¹² اِیں واسطے مَیں تُہاکُوں ایہ گالھیں ہمیشاں یاد ڈیویندا راہساں بھانویں تُساں اُنہاں کنُوں واقف ہیوے تے اُوں سچائی اُتے قائم ہیوے جیہڑی تُہاکُوں مِلی ہے۔

2 پطرس 1:12 Iomraidhean Croise

اعمال 16:5

بس کلیسیاواں اِیمان ءچ مضبوط تھیندیاں تے شمار ءچ ہر روز ودھدیاں گئیاں۔

فِلِپّیوں 3:1

غرض میڈے بِھراؤ! خُداوند ءچ خوش راہو۔ تُہاکُوں ایہ گالھ ولا ولا لِکھنڑ ءچ میکُوں تاں کوئی مسئلہ نئیں تے اِیندے ءچ تُہاڈا تحفظ ہے۔

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

2 تِیمُتھِیُس 1:6

اِیہو وجہ ہے جو مَیں تیکُوں یاد ڈیویندا ہاں جو تُوں خُدا دی اُوں نعمت دی بھاہ کُوں نویں سرے تُوں بھڑکا ڈے جیہڑی میڈے ہتھ رکھنڑ نال تیکُوں مِلی ہے۔

عبرانیوں 10:32

پر اُنہاں پہلے ڈینہاں کُوں یاد کرو جِیں ویلے تُساں اِیمان نال روشن تھیوݨ تُوں بعد شدید تکلیفاں دا ڈُکھ برداشت کیتا۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

2 پطرس 1:13

بلکہ جِیں ویلے تئیں مَیں اِیں فانی بدن ءچ ہاں تُہاکُوں یاد ڈیوا ڈیوا تے تُہاڈی حوصلہ افزائی کرݨ آپنڑے اُتے فرض سمجھدا ہاں،

2 پطرس 1:15

بس مَیں پُوری کوشش کریساں جو میڈے کُوچ کرݨ تُوں بعد تُساں اِنہاں گالھیں کُوں ہمیشاں یاد رکھ سگو۔

2 پطرس 3:1

عزیزو! ایہ ڈُوجھا خط ہے جیہڑا مَیں تُہاکُوں لِکھدا پِیا ہاں۔ مَیں ڈُوہائیں خطاں ءچ تُہاڈی یاداشت کُوں تازہ کر تے تُہاڈے ذہناں ءچ پاک سوچ کُوں اُبھارݨ دی کوشش کیتی۔

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

1 یُوحنّا 2:21

مَیں تُہاکُوں اِیں واسطے نئیں لِکھیا جو تُساں سچائی کُوں نئیں جانڑدے بلکہ اِیں واسطے جو تُساں سچائی کُوں جانڑدے ہیوے تے اِیں واسطے وی جو کوئی کُوڑ سچائی دی طرفوں نئیں۔

2 یُوحنّا 1:2

کیوں جو سچائی ساڈے ءچ قائم راہندی ہے تے ہمیشاں تئیں ساڈے نال راہسی۔

یہُوداہ 1:17

پر عزیزو! اُنہاں گالھیں کُوں یاد رکھو جیہڑیاں ساڈے خُداوند یسُوع مسیح دے رسُول پہلے ای آکھ چُکے ہِن۔

یہُوداہ 1:3

عزیزو! مَیں تُہاکُوں اُوں نجات دے بارے ءچ لِکھنڑ دا بہُوں شوق رکھیندا ہم جیندے ءچ اساں سارے شریک ہیں، پر مَیں ایہ نصیحت کرݨ ضروری سمجھدا ہاں جو تُساں اُوں اِیمان کیتے بہُوں محنت کرو جیہڑا خُدا آپنڑے مُقدّساں کُوں ہِکے پھیری ہمیشاں کیتے سپُرد کر ڈِتا ہا۔

یہُوداہ 1:5

بھانویں تُساں ایہ سبھ کُجھ جانڑدے ہیوے، وَل وی مَیں تُہاکُوں ایہ گالھ یاد ڈیواوݨ چاہندا ہاں جو خُداوند آپنڑے لوکاں کُوں مِصر ءچوں چُھڑا گِھدا پر بعد ءچ اِیمان نہ رکھنڑ آلیاں کُوں ہلاک کر ڈِتا۔