2 یُوحنّا 1:12 - کِتاب مُقدّس سرائیکی ترجمہ

¹² میکُوں لِکھنڑاں تاں بہُوں کُجھ ہے پر میں اُونکُوں کاغذ تے قلم نال لِکھ تے نئیں بھیجنڑا چاہندا بلکہ اُمید رکھیندا ہاں جو تُہاڈے کولھ آ تے آمنڑے سامنڑے گالھ کریساں تاں جو ساڈی خوشی پُوری تھی ونجے۔

2 یُوحنّا 1:12 Iomraidhean Croise

یُوحنّا 15:11

مَیں ایہ گالھیں تُہاکُوں اِیں واسطے آکھیاں ہِن جو میڈی خوشی تُہاڈے ءچ ہووے تے تُہاڈی خوشی پُوری تھی ونجے۔

یُوحنّا 16:12

میکُوں تُہاکُوں بِیا وی بہُوں کُجھ آکھنڑا ہے پر حالی تُساں اُوندی برداشت نئیں کر سگدے،

یُوحنّا 16:24

ہُنڑ تئیں تُساں میڈے ناں تُوں کُجھ نئیں منگیا۔ منگسو تاں مِلسی تاں جو تُہاڈی خوشی پُوری تھیوے۔

یُوحنّا 17:13

پر ہُنڑ مَیں تیڈے کولھ آندا ہاں تے مَیں ایہ گالھیں دُنیا ءچ راہندے ہوئے آدھا ہاں تاں جو میڈی ساری خوشی اُنہاں کُوں حاصل تھیوے۔

یُوحنّا 3:29

کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

رومیوں 15:24

اِیں واسطے میکُوں اُمید ہے جو اسپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔

2 تِیمُتھِیُس 1:4

تیڈے ہنجُواں کُوں یاد کر تے مَیں تیکُوں مِلنڑ دی سِک رکھیندا ہاں تاں جو تیکُوں مِل تے خوش تھی سگاں۔

فِلیمون 1:22

ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔

عبرانیوں 13:19

پر مَیں تُہاڈی مِنت کریندا ہاں جو خاص کر اِیں کیتے دُعا کرو جو مَیں جلدی تُہاڈے کولھ آ سگاں۔

عبرانیوں 13:23

مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

1 یُوحنّا 1:4

اساں ایہ گالھیں تُہاکُوں اِیں واسطے لِکھدے پئے ہیں جو ساڈی خوشی پُوری تھی ونجے۔

3 یُوحنّا 1:10

جِیں ویلے مَیں آساں تاں اُونکُوں اُوندے ایہ کم جیہڑے او کریندا پئے، یاد ڈیویساں کیوں جو او ساڈے خلاف بُرے گالھیں کریندے۔ تے صرف اِیہو نئیں بلکہ بِھرانواں کُوں خود وی قبول نئیں کریندا تے ڈُوجھیاں کُوں جیہڑے اُنہاں کُوں قبول کرݨ چاہندے ہِن، روکیندے، تے کلیسیا ءچوں کڈھ ڈیندے۔