2کُرِنتھِیوں 9:7 - کِتاب مُقدّس سرائیکی ترجمہ

⁷ ہر ہِک، دل ءچ جِتنا ڈیوݨ دا اِرادہ کیتے اُتنا ای ڈیوے، نہ ڈُکھی تھی تے، تے نہ مجبوری نال کیوں جو خُدا خوشی نال ڈیوݨ آلے کُوں پیار کریندے۔

2کُرِنتھِیوں 9:7 Iomraidhean Croise

اعمال 20:35

مَیں تُہاکُوں ایہ سبھ کر تے ڈِکھایا جو اساں کِینویں محنت کر تے کمزوراں کُوں سنبھال سگدے ہیں۔ خُداوند یسُوع دے لفظاں کُوں یاد رکھو جو اُوں آکھیا، ’ڈیونڑا گِھننڑ کنُوں زیادہ مُبارک ہے‘۔“

رومیوں 12:8

یا جِینکُوں نصیحت ڈیوݨ دی نعمت مِلی ہووے، او نصیحت کریندا راہوے۔ یا جِینکُوں خیرات ڈیوݨ دی نعمت مِلی ہووے، او فیاضی نال ڈیوے۔ جِینکُوں راہنمائی کرݨ دی نعمت مِلی ہووے، او جوش نال راہنمائی کریندا راہوے، جِینکُوں رحم کرݨ دی نعمت مِلی ہووے، او خوشی نال رحم کرے۔

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

فِلیمون 1:14

پر تیڈی اِجازت دے بغیر مَیں کُجھ کرݨ نئیں چاہندا تاں جو تیڈا نیک کم مجبوری نال نئیں بلکہ خوشی نال ہووے۔

یعقُوب 5:9

بِھراؤ! ہِک ڈُوجھے دی شکایت نہ کرو تاں جو تُہاڈی عدالت نہ تھیوے۔ ڈیکھو! مُنصف دروازے اُتے کھڑے۔

1 پطرس 4:9

بُڑبُڑ کیتے بغیر مہمان نوازی کرو۔