2کُرِنتھِیوں 8:9 - کِتاب مُقدّس سرائیکی ترجمہ

⁹ کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

2کُرِنتھِیوں 8:9 Iomraidhean Croise

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

متّی 8:20

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

مرقس 6:3

کیا ایہ اُوہو درکھاݨ نئیں جیہڑا مریم دا پوتر تے یعقُوب تے یوسیس تے یہُوداہ تے شمعون دا بِھرا ہے؟ تے کیا اُوندیاں بھینڑاں ساڈے نال اِتھائیں نئیں؟“ بس اُنہاں اُوندی وجہ کنُوں ٹھوکر کھادی۔

لُوقا 16:11

بس جِیں ویلے تُساں دُنیاوی دولت دے معاملے ءچ وی دیانتدار ثابت نہ تھئے تاں حقیقی دولت کوݨ تُہاڈے حوالے کریسی؟

لُوقا 2:7

تے اُوندا پلوٹھا پوتر جمیا۔ اُوں اُونکُوں کپڑے ءچ ولھیٹ تے کُھرلی ءچ رکھ ڈِتا کیوں جو اُنہاں کیتے سراں ءچ جاہ نہ ہئی۔

لُوقا 8:3

تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

لُوقا 9:58

یسُوع اُونکُوں آکھیا، ”لومبڑیاں دیاں گھوراں ہوندن تے پکھیاں دے آلہنڑے پر مَیں اِبنِ آدم کیتے کوئی جاہ نئیں جِتھاں مَیں آپنڑا سر رکھ سگاں۔“

یُوحنّا 1:10

او دُنیا ءچ ہا تے دُنیا اُونکُوں نہ پچھانڑیا بھانویں جو دُنیا اُوندے وسیلے نال پیدا تھئی۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

یُوحنّا 1:17

کیوں جو شریعت تاں مُوسیٰ دے وسیلے ڈِتی گئی پر فضل تے سچائی یسُوع مسیح دے وسیلے مِلی۔

یُوحنّا 12:30

یسُوع جواب ءچ آکھیا جو ”ایہ اواز تُہاڈے کیتے آئی ہے نہ جو میڈے کیتے۔

یُوحنّا 16:15

جیہڑا کُجھ باپ دا ہے او سبھ میڈا ہے، اِیں واسطے مَیں آکھیا جو رُوح مَیں کنُوں ای حاصل کریندے تے تُہاکُوں خبراں ڈیسی۔

یُوحنّا 17:19

مَیں آپنڑے آپ کُوں اُنہاں دی خاطر وقف کریندا ہاں تاں جو او وی سچائی دے وسیلے وقف کیتے ونجنڑ۔

رومیوں 11:12

جڈاں یہُودیاں دی گُمراہی دُنیا دی برکت دا سبب بنڑی تے اُنہاں دا رُوحانی زوال غیریہُودیاں کیتے بےحد برکت دا سبب بنڑیا تاں اُنہاں دی مکمل بحالی کیجھی زیادہ برکت دا سبب ہوسی۔

رومیوں 15:3

کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے۔“

رومیوں 5:8

پر خُدا ساڈے اُتے آپنڑی محبت اِینویں ظاہر کیتی جو جِیں ویلے اساں گُنہگار ای ہسے تاں مسیح ساڈی خاطر آپنڑی جان ڈِتی۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

1کُرِنتھِیوں 1:4

مَیں تُہاڈے کیتے ہمیشاں خُدا دا شُکر کریندا ہاں کیوں جو اُوں یسُوع مسیح ءچ تُہاڈے اُتے فضل کیتے۔

1کُرِنتھِیوں 15:47

پہلا بندہ زمین دی مِٹی کنُوں بنڑایا گِیا پر ڈُوجھا بندہ اسمان کنُوں آیا۔

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

اِفِسیوں 3:19

یعنی مسیح دی محبت کُوں سمجھ سگو جیہڑی سمجھ کنُوں باہر ہے تاں جو تُساں خُدا دی ذات دیاں خُوبیاں نال بھریج ونجو۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

مُکاشفہ 2:9

”مَیں تیڈی مُصیبت تے غریبی کُوں جانڑدا ہاں، پر حقیقت ءچ تُوں دولت مند ہیں۔ تے مَیں اُنہاں لوکاں دی تُہمت کُوں وی جانڑدا ہاں جیہڑے آپنڑے آپ کُوں بنی اِسرائیل تاں اکھیندے ہِن پر ہِن نئیں بلکہ شیطان دی جماعت ہِن۔

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔