2کُرِنتھِیوں 8:8 - کِتاب مُقدّس سرائیکی ترجمہ

⁸ مَیں تُہاکُوں اِینویں کرݨ دا حُکم نئیں ڈیندا پِیا بلکہ ڈُوجھیاں دے جوش دے مُقابلہ ءچ تُہاڈی محبت دی سچائی کُوں ازمیندا پِیا ہاں۔

2کُرِنتھِیوں 8:8 Iomraidhean Croise

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

1کُرِنتھِیوں 7:12

باقی لوکاں کُوں خُداوند نئیں بلکہ میں ای ایہ آدھا ہاں جو جے کہیں اِیماندار بِھرا دی غیر اِیماندار ذال ہووے پر او اُوندے نال راہنڑ ءچ راضی ہووے تاں پایا اُونکُوں نہ چھوڑے۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

1کُرِنتھِیوں 7:6

ایہ مَیں رعایت ڈیندے ہوئے آدھا پِیا ہاں، نہ جو حُکم ڈیندے ہوئے۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

2کُرِنتھِیوں 8:10

ہُنڑ اِیں معاملے دے بارے ءچ میڈا مشورہ سُنڑو جو تُہاڈے کیتے کیا فائدہ مند ہے۔ پِچھلے سال تُساں نہ صرف ہدیہ ڈیوݨ ءچ بلکہ ڈیوݨ دے اِرادے ءچ وی سبھ تُوں اگُوں ہَوے۔

2کُرِنتھِیوں 8:24

بس اُنہاں کُوں آپنڑی محبت تے ساڈے اُوں فخر کُوں جیہڑا تُہاڈے اُتے ہے، کلیسیاواں دے سامنڑے ثابت کرو۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

2کُرِنتھِیوں 9:7

ہر ہِک، دل ءچ جِتنا ڈیوݨ دا اِرادہ کیتے اُتنا ای ڈیوے، نہ ڈُکھی تھی تے، تے نہ مجبوری نال کیوں جو خُدا خوشی نال ڈیوݨ آلے کُوں پیار کریندے۔

اِفِسیوں 4:15

بلکہ اساں محبت نال سچائی اُتے قائم رہ تے ہر گالھ ءچ مسیح آلی کار بنڑدے ونجُوں، جیہڑا سر ہے۔

اِفِسیوں 6:24

جیہڑے ساڈے خُداوند یسُوع مسیح دے نال ختم نہ تھیوݨ آلی محبت رکھیندے ہِن، اُنہاں ساریاں اُتے فضل تھیندا راہوے۔

عبرانیوں 10:24

تے آؤ اساں غور کرُوں جو کِینویں ہِک ڈُوجھے کُوں محبت تے نیک کم کرݨ کیتے اُبھار سگدے ہیں۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔