2کُرِنتھِیوں 8:4 - کِتاب مُقدّس سرائیکی ترجمہ

⁴ اُنہاں وڈے زور نال ساکُوں مِنت کیتی جو مُقدّساں کُوں خیرات ڈیوݨ ءچ ساکُوں وی شریک تھیوݨ ڈیؤ۔

2کُرِنتھِیوں 8:4 Iomraidhean Croise

متّی 10:42

تے جیہڑا اِنہاں چھوٹیاں ءچوں کہیں کُوں میڈا شاگرد مَن تے ہِک پیالہ ٹھڈا پانڑی ای پِلیسی تاں مَیں تُہاکُوں آدھا ہاں او آپنڑا اجر ہرگز نہ ونجیسی۔“

متّی 12:50

کیوں جو جیہڑا کوئی میڈے اسمانی باپ دی مرضی اُتے چلدے اُوہو میڈا بِھرا تے میڈی بھینڑ تے میڈی ماء ہے۔“

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

مرقس 14:7

کیوں جو غریب تاں ہمیشاں تُہاڈے نال راہسن۔ جِیں ویلے چاہو اُنہاں نال نیکی کر سگدے ہیوے پر مَیں تُہاڈے نال ہمیشاں نہ راہساں۔

اعمال 11:29

بس شاگرداں فیصلہ کیتا جو آپنڑی آپنڑی مالی حیثیت دے مطابق، یہُودیہ ءچ راہنڑ آلے بِھرانواں دی مدد کیتے کُجھ نہ کُجھ بھیجُوں۔

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

اعمال 24:17

بہُوں سالاں بعد مَیں آپنڑی قوم کُوں خیرات پُچاوݨ تے خُدا کُوں نذرانے پیش کرݨ کیتے یروشلیم آیا ہم۔

رومیوں 15:31

دُعا کرو جو مَیں یہُودیہ دے غیر اِیمانداراں کنُوں بچیا راہاں تے میڈی خدمت یروشلیم دے مُقدّساں کُوں پسند آوے۔

1کُرِنتھِیوں 16:1

جیہڑا چندہ مُقدّساں کیتے جمع کیتا ویندے اُوندے بارے ءچ تُساں اِیں ہدایت اُتے عمل کرو جیہڑی مَیں گلِتیہ دیاں کلیسیاواں کُوں کیتی ہے،

1کُرِنتھِیوں 16:15

بِھراؤ! تُساں ستِفناس دے خاندان دے بارے ءچ تاں جانڑدے ہیوے جو او اَخیہ دے ساریاں کنُوں پہلے پھل ہِن تے مُقدّساں دی خدمت کرݨ ءچ لگے ہوئے ہِن۔ مَیں تُہاڈی مِنت کریندا ہاں

2کُرِنتھِیوں 9:1

میکُوں اُوں خدمت دے بارے ءچ جیہڑی مُقدّساں دی خاطر کیتی ویندی ہے، تُہاکُوں لِکھنڑ دی ضرورت نئیں۔

گلتِیوں 2:10

اُنہاں صرف ایہ آکھیا جو غریباں کُوں یاد رکھائے۔ ایہ کرݨ کیتے تاں مَیں پہلے ای تیار ہم۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

1 تِیمُتھِیُس 5:10

تے نیک کم کرݨ ءچ مشہور ہووے یعنی اُوں آپنڑے بالاں دی تربیت کیتی ہووے، مہمان نوازی کیتی ہووے، مُقدّساں دی خدمت ءچ اُنہاں دے پیر دھوتے ہووݨ، مُصیبت دے ماریاں دی مدد کیتی ہووے تے ہر نیک کم کرݨ ءچ مصروف ریہی ہووے۔

عبرانیوں 6:10

کیوں جو خُدا بے اِنصاف نئیں جو او تُہاڈے کم تے اُوں محبت کُوں بُھل ونجے جیہڑی تُساں اُوندے ناں دی خاطر اُوندے مُقدّساں دی خدمت کر تے ظاہر کیتی تے ہُنڑ وی کریندے پئے ہیوے۔