2کُرِنتھِیوں 8:23 - کِتاب مُقدّس سرائیکی ترجمہ

²³ جے کوئی طِطُس دے بارے ءچ پُچھے تاں او میڈا ساتھی تے تُہاڈی مدد کرݨ کیتے میڈا نال خدمت کریندے۔ جے بئے بِھرانواں دے بارے ءچ سوال ہووے تاں او کلیسیاواں دے نمائندے تے مسیح دے جلال دا سبب ہِن۔

2کُرِنتھِیوں 8:23 Iomraidhean Croise

لُوقا 5:10

تے اِیہو حال زبدی دے پوتراں یعقُوب تے یُوحنّا دا ہا جیہڑے شمعون دے ساتھی ہَن۔ یسُوع شمعون کُوں آکھیا، ”ڈر نہ۔ ہُنڑ کنُوں تُوں خُدا کیتے بندیاں کُوں پکڑیسیں۔“

لُوقا 5:7

اِیں واسطے اُنہاں ڈُوجھی کشتی آلے ساتھیاں کُوں اِشارہ کیتا جو ”آؤ ساڈی مدد کرو۔“ بس اُنہاں آ تے ڈوہائیں کشتیاں مچھیاں نال اِتُھوں تئیں بھر ڈِتیاں جو بُڈݨ لگ گئیاں۔

یُوحنّا 13:16

مَیں تُہاکُوں سچ آدھا ہاں جو کوئی نوکر آپنڑے مالک کنُوں وڈا نئیں ہوندا تے نہ ای کوئی بھیجیا ہویا آپنڑے بھیجنڑ آلے کنُوں۔

1کُرِنتھِیوں 11:7

پر مرد کُوں آپنڑا سر نئیں کجنڑاں چاہیدا کیوں جو او خُدا دی صورت تے اُوندا جلال ہے پر عورت مرد دا جلال ہے،

2کُرِنتھِیوں 12:18

مَیں طِطُس دی مِنت کیتی جو تُہاڈے کولھ ونجے تے اُوندے نال ہِک بئے بِھرا کُوں وی بھیجیا۔ کیا طِطُس تُہاڈے کنُوں کوئی ناجائز فائدہ چاتے؟ کیا اساں ہِکو رُوح کنُوں ہدایت گِھن تے نہ ٹُرے؟ کیا اساں ہِکو راہ اُتے نہ ٹُرے؟

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

2کُرِنتھِیوں 8:18

اساں اُوندے نال اُوں بِھرا کُوں بھجیندے پئے ہیں جیندی تعریف خوشخبری دی تبلیغ کرݨ دے سببّوں سبھ کلیسیاواں ءچ تھیندی پئی ہے۔

2کُرِنتھِیوں 8:19

تے صرف اِیہو نئیں بلکہ کلیسیاواں اُونکُوں چُنڑ گِھدے جو او ساڈے نال سفر کرے جڈاں اساں خیرات کُوں یروشلیم پُچاؤں۔ اساں ایہ کم خُداوند کُوں جلال ڈیوݨ کیتے تے آپنڑی خدمت دے شوق کُوں ظاہر کرݨ کیتے کریندے ہیں۔

2کُرِنتھِیوں 8:22

اساں اُنہاں ڈُوہائیں بِھرانواں دے نال ہِک بئے بِھرا کُوں وی بھجیندے پئے ہیں جِینکُوں اساں بہُوں سارے گالھیں ءچ چنگی طرحاں ازمایا تے بہُوں پُر جوش ڈِٹھا ہے۔ ہُنڑ کیوں جو تُہاڈے اُتے بہُوں بھروسا ہے، اِیں واسطے او بِیا وی پُر جوش تھی گئے۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

فِلِپّیوں 2:25

پر مَیں اِپفُردِتُس کُوں تُہاڈے کولھ بھیجنڑ ضروری سمجھیا۔ او میڈا بِھرا، ہم خدمت، تے مسیح ءچ میڈے نال سپاہی بلکہ او تُہاڈا قاصد تے میڈیاں ضرورتاں پُوریاں کرݨ کیتے خدمت گُزار ہے۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

کلُسِّیوں 1:7

تُساں ایہ خوشخبری ساڈے نال خدمت کرݨ آلے پیارے بِھرا اِپفُردِتُس کنُوں سُنڑی جیہڑا تُہاڈی خاطر مسیح دا وفادار خادم ہے۔

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

فِلیمون 1:17

بس جے تُوں میکُوں آپنڑا ساتھی سمجھدیں تاں اُونکُوں اُونویں قبول کر جِینویں میکُوں قبول کریندیں۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

3 یُوحنّا 1:8

اِیں واسطے ساڈا فرض ہے جو اُنہاں لوکاں دی مدد کرُوں تاں جو سچائی دی خاطر اساں وی اُنہاں دے نال مِل تے خدمت کر سگوں۔