2کُرِنتھِیوں 8:10 - کِتاب مُقدّس سرائیکی ترجمہ

¹⁰ ہُنڑ اِیں معاملے دے بارے ءچ میڈا مشورہ سُنڑو جو تُہاڈے کیتے کیا فائدہ مند ہے۔ پِچھلے سال تُساں نہ صرف ہدیہ ڈیوݨ ءچ بلکہ ڈیوݨ دے اِرادے ءچ وی سبھ تُوں اگُوں ہَوے۔

2کُرِنتھِیوں 8:10 Iomraidhean Croise

متّی 10:42

تے جیہڑا اِنہاں چھوٹیاں ءچوں کہیں کُوں میڈا شاگرد مَن تے ہِک پیالہ ٹھڈا پانڑی ای پِلیسی تاں مَیں تُہاکُوں آدھا ہاں او آپنڑا اجر ہرگز نہ ونجیسی۔“

یُوحنّا 11:50

تے نہ سوچیندے ہیوے جو ساڈے کیتے ایہ چنگا ہے جو قوم دی خاطر ہِک بندہ مار ڈِتا ونجے نہ جو ساری قوم برباد تھیوے۔“

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

یُوحنّا 18:14

ایہ اُوہو کائفا ہا جئیں یہُودیاں کُوں صلاح ڈِتی ہئی جو چنگا ہے جو ساری قوم دی خاطر ہِک بندہ مر ونجے۔

1کُرِنتھِیوں 10:23

”سبھ چیزاں جائز ہِن“ پر سبھ چیزاں مفید نئیں۔ سبھ چیزاں جائز تاں ہِن پر سبھ چیزاں ترقی دا سبب نئیں۔

1کُرِنتھِیوں 16:2

یعنی ہر ہفتے دے پہلے ڈینہہ تُہاڈے ءچوں ہر بندہ آپنڑی آمدنی دے مطابق کُجھ آپنڑے کولھ جمع کر رکھے، تاں جو میڈے آوݨ تے تُہاکُوں چندہ جمع کرݨ دی لوڑ نہ پووے۔

1کُرِنتھِیوں 6:12

”سبھ چیزاں میڈے کیتے جائز ہِن“ پر سبھ چیزاں فائدہ مند نئیں۔ سبھ چیزاں میڈے کیتے جائز تاں ہِن پر مَیں کہیں چیز دا غُلام نہ بنڑساں۔

1کُرِنتھِیوں 7:25

کُنواریاں دے بارے ءچ خُداوند دا ڈِتا ہویا کوئی حُکم میڈے کولھ نئیں، پر خُداوند دی رحمت نال ہِک دیانتدار بندے دی حیثیت نال مَیں آپنڑی شخصی رائے ڈیندا ہاں۔

1کُرِنتھِیوں 7:40

پر میڈی رائے ایہ ہے جو جے او بیوہ ای راہوے تاں زیادہ خوش راہسی تے مَیں سمجھدا ہاں جو خُدا دا رُوح القُدس میڈے ءچ وی ہے۔

2کُرِنتھِیوں 12:1

میڈا فخر کرݨ ضروری ہے۔ بھانویں اِیندا کوئی فائدہ نئیں، وَل وی مَیں خُداوند دی طرفوں مِلے ہوئے رویا تے مُکاشفیاں دا ذِکر کریساں۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

2کُرِنتھِیوں 8:8

مَیں تُہاکُوں اِینویں کرݨ دا حُکم نئیں ڈیندا پِیا بلکہ ڈُوجھیاں دے جوش دے مُقابلہ ءچ تُہاڈی محبت دی سچائی کُوں ازمیندا پِیا ہاں۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

فِلِپّیوں 4:17

میں ایہ اِیں واسطے نئیں آدھا جو مَیں کوئی امداد چاہندا ہاں بلکہ مَیں ایہ چاہندا ہاں جو تُہاکُوں تُہاڈے نیک کماں دا اجر مِل ونجے۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔