2کُرِنتھِیوں 7:8 - کِتاب مُقدّس سرائیکی ترجمہ

⁸ بھانویں مَیں آپنڑے پہلے خط نال تُہاکُوں ڈُکھ ڈِتا، وَل وی مَیں پچھتیندا نئیں، بے شک پہلے پچھتیندا ہم۔ کیوں جو میں ڈیدھا ہاں جو اُوں خط نال تُہاکُوں ڈُکھ تاں پُجے پر صرف کُجھ عرصہ کیتے۔

2کُرِنتھِیوں 7:8 Iomraidhean Croise

یُوحنّا 16:6

بلکہ تُہاڈا دل غم نال بھریج گِیا کیوں جو مَیں ایہ گالھیں تُہاکُوں آکھیاں،

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

2کُرِنتھِیوں 7:12

بےشک مَیں او خط لِکھیا تاں ہا، پر اِیں واسطے نئیں جو اُوں غلط کم کرݨ آلے دے بارے ءچ لِکھاں یا اُوندے بارے ءچ جِیندے نال غلط کم تھئے، بلکہ اِیں واسطے جو خُدا دے حضُور تُہاڈے اُتے ظاہر تھی ونجے جو تُساں ساڈے کیتے کِتنا جوش رکھیندے ہیوے۔

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

2کُرِنتھِیوں 7:7

ساڈا حوصلہ نہ صرف اُوندے پُج ونجنڑ نال تھیّا بلکہ اُوندی اُوں تسلی نال وی تھیّا جیہڑی اُونکُوں تُہاڈی طرفوں مِلی ہئی۔ اُوں تُہاڈا میڈے کیتے سِک رکھنڑ، تُہاڈا افسوس کرݨ تے تُہاڈا جوش جیہڑا میڈے کیتے ہا، ساکُوں بیان کیتا جیندے تُوں مَیں بِیا وی خوش تھیّا۔

2کُرِنتھِیوں 7:9

تے ہُنڑ مَیں خوش ہاں، اِیں واسطے نئیں جو تُہاکُوں ڈُکھ پُجے بلکہ اِیں واسطے جو اِیں ڈُکھ تُہاکُوں توبہ کرݨ تئیں پُچایا۔ کیوں جو تُہاڈا ڈُکھ خُدا دے مقصد دے مطابق ہا، اِیں واسطے تُہاکُوں ساڈے سببّوں کہیں قِسم دا نُقصان نہ پُجیا۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔