2کُرِنتھِیوں 7:4 - کِتاب مُقدّس سرائیکی ترجمہ

⁴ مَیں بہُوں دلیری نال تُہاڈے نال گالھیں کریندا ہاں، پر میکُوں تُہاڈے اُتے فخر وی ہے۔ مَیں تسلی نال بھریج گِیا ہاں تے مُصیبتاں ءچ وی میڈا دل خوشی نال بھریا ہے۔

2کُرِنتھِیوں 7:4 Iomraidhean Croise

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

1کُرِنتھِیوں 1:4

مَیں تُہاڈے کیتے ہمیشاں خُدا دا شُکر کریندا ہاں کیوں جو اُوں یسُوع مسیح ءچ تُہاڈے اُتے فضل کیتے۔

2کُرِنتھِیوں 1:14

جِینویں تُہاکُوں ساڈی کُجھ سمجھ آ گئی ہے، تُساں آخر تئیں وی پُوری طرحاں سمجھ گِھنسو۔ وَل خُداوند یسُوع دے واپس آوݨ دے ڈینہہ جِینویں اساں تُہاڈے کیتے فخر دا سبب ہیں، اُونویں ای تُساں وی ساڈے کیتے فخر دا سبب ہوسو۔

2کُرِنتھِیوں 1:4

اُوہو ساڈیاں ساریاں مُصیبتاں ءچ ساکُوں تسلی ڈیندے تاں جو اساں اُوندی طرفوں مِلی ہوئی تسلی نال ڈُوجھیاں کُوں وی تسلی ڈے سگوں جیہڑے کہیں وی قِسم دی مُصیبت ءچ ہِن۔

2کُرِنتھِیوں 10:8

کیوں جو جے مَیں آپنڑے اُوں اِختیار اُتے کُجھ زیادہ فخر وی کراں، جیہڑا خُداوند ساکُوں تُہاڈی ترقی کیتے ڈِتے نہ جو وِگاڑن کیتے، تاں اِیندے بارے ءچ مَیں شرمندہ نہ تھیساں۔

2کُرِنتھِیوں 11:21

ایہ آکھ تے میکُوں شرم آندی ہے جو اساں اِتنے کمزور ہسے جو اِینویں نہ کر سگے۔ بےشک میڈا ایہ آکھنڑ بیوقُوفی ہے پر جے کوئی کہیں گالھ اُتے فخر کرݨ دی جُرأت کریندے تاں مَیں وی اُوہو فخر کرݨ دی جُرأت کریندا ہاں۔

2کُرِنتھِیوں 2:14

پر خُدا دا شُکر ہے جو او ساکُوں مسیح دی فتح دے جلُوس ءچ ہمیشاں گِھن ویندے تے ساڈے وسیلے نال مسیح کُوں جانڑݨ دی خوشبو ہر جاہ کِھنڈیندے۔

2کُرِنتھِیوں 3:12

بس ایجھی اُمید رکھیندے ہوئے اساں بہُوں دلیر ہیں۔

2کُرِنتھِیوں 7:14

مَیں اُوندے سامنڑے تُہاڈے بارے ءچ فخر کیتا ہا تے میں شرمندہ نئیں تھیّا۔ بلکہ جِینویں اساں تُہاکُوں ہمیشاں سچے گالھیں ڈسائیاں ہِن، اُونویں ای جیہڑا فخر اساں تُہاڈے بارے ءچ طِطُس دے سامنڑے کیتا او وی سچ ثابت تھیّا۔

2کُرِنتھِیوں 8:24

بس اُنہاں کُوں آپنڑی محبت تے ساڈے اُوں فخر کُوں جیہڑا تُہاڈے اُتے ہے، کلیسیاواں دے سامنڑے ثابت کرو۔

فِلِپّیوں 1:14

تے میڈے قید تھیوݨ دی وجہ کنُوں اکثر بِھرا خُداوند ءچ اِتُھوں تئیں دلیر تھی گئین جو او بے خوف تے جُرأت نال خُدا دا کلام سُنڑاوݨ لگے ہِن۔

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

فِلِپّیوں 1:26

تے جِیں ویلے مَیں تُہاڈے کولھ ولا آساں تاں یسُوع مسیح ءچ تُہاڈی خوشی جیہڑی میڈے کیتے ہے مزید وی زیادہ تھی ویسی۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

2تھِسّلُنیکیوں 1:4

اِیں واسطے اساں خُدا دیاں کلیسیاواں ءچ فخر نال تُہاڈا ذِکر کریندے ہیں جو ظلم تے مُصیبتاں سہوݨ دے باوجود تُساں بہُوں صبر نال آپنڑے اِیمان اُتے قائم ہیوے۔

فِلیمون 1:7

کیوں جو بِھرا، میکُوں تیڈی محبت تُوں بہُوں خوشی تے تسلی مِلی ہے کیوں جو تَیں مُقدّساں دے دِلاں کُوں تازہ کیتے۔

یعقُوب 1:2

میڈے بِھراؤ، جِیں ویلے تُساں طرحاں طرحاں دیاں ازمائیشاں دا سامنڑا کریندے ہیوے تاں اِینکُوں وڈی خوشی دی گالھ سمجھو۔