2کُرِنتھِیوں 7:11 - کِتاب مُقدّس سرائیکی ترجمہ

¹¹ بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

2کُرِنتھِیوں 7:11 Iomraidhean Croise

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

یُوحنّا 2:17

اُوندے شاگرداں کُوں یاد آیا جو کلام ءچ لِکھیا ہے ”تیڈے گھر دی غیرت میکُوں کھا ویسی۔“

اعمال 17:16

جِیں ویلے پولُس اتھینے ءچ اُنہاں دا اِنتظار کریندا پِیا ہا تاں ایہ ڈیکھ تے جو سارا شہر بُتاں نال بھریا پِیا ہے، اُوندا ہاں سڑ گِیا۔

رومیوں 11:20

ٹھیک ہے۔ پر او اِیمان نہ گِھن آوݨ دے سببّوں کپ ڈِتیاں گئیاں تے تُوں تاں اِیمان گِھن آوݨ دی وجہ کنُوں قائم ہیں۔ بس مغرُور نہ تھی بلکہ ڈردا رہ،

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

رومیوں 3:5

پر ہُنڑ مَیں ہِک گالھ اِنسان وانگُوں اکھیندا ہاں۔ جے ساڈی بدی خُدا دی راستبازی ظاہر کریندی ہے تاں اساں کیا آکھوں؟ کیا ایہ جو خُدا ساڈے اُتے غضب نازل کر تے بے اِنصافی کریندے؟

1کُرِنتھِیوں 12:25

تاں جو بدن ءچ تفرقہ نہ ہووے بلکہ اَنگ ہِک ڈُوجھے دی برابر فِکر رکھنڑ۔

1کُرِنتھِیوں 5:13

پر باہر آلیاں دا فیصلہ تاں خُدا ای کریسی۔ بس ”اُوں بدکار کُوں آپنڑے ءچوں کڈھ ڈیؤ۔“

1کُرِنتھِیوں 5:2

تُساں وَل وی پُھنڈدے ہیوے۔ تُہاکُوں تاں اِیں گالھ اُتے ماتم کرنڑا چاہیدا ہا۔ جئیں ایہ بُرا کم کیتے، اُونکُوں تُہاڈے ءچوں کڈھ ڈیونڑا چاہیدے۔

2کُرِنتھِیوں 13:7

اساں خُدا تُوں دُعا کریندے ہیں جو تُساں بُرائی نہ کرو۔ اِیں واسطے نئیں جو اساں کامیاب نظر آؤں بلکہ اِیں واسطے جو تُساں اُوہو کرو جیہڑا چنگا ہے، بےشک اساں ناکام ای نظر آؤں۔

2کُرِنتھِیوں 2:6

پر اُوں بندے کیتے ایہ سزا بہُوں ہے جیہڑی اُونکُوں تُساں بہُوں ساریاں دی طرفوں مِلی ہے۔

2کُرِنتھِیوں 6:4

بلکہ خُدا دے خادم ہوندے ہوئے اساں ہر گالھ تُوں آپنڑی نیکی ظاہر کریندے ہیں، یعنی بہُوں صبر نال، مُصیبت ءچ، مُشکلات ءچ، تنگی ءچ،

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

2کُرِنتھِیوں 7:7

ساڈا حوصلہ نہ صرف اُوندے پُج ونجنڑ نال تھیّا بلکہ اُوندی اُوں تسلی نال وی تھیّا جیہڑی اُونکُوں تُہاڈی طرفوں مِلی ہئی۔ اُوں تُہاڈا میڈے کیتے سِک رکھنڑ، تُہاڈا افسوس کرݨ تے تُہاڈا جوش جیہڑا میڈے کیتے ہا، ساکُوں بیان کیتا جیندے تُوں مَیں بِیا وی خوش تھیّا۔

2کُرِنتھِیوں 7:9

تے ہُنڑ مَیں خوش ہاں، اِیں واسطے نئیں جو تُہاکُوں ڈُکھ پُجے بلکہ اِیں واسطے جو اِیں ڈُکھ تُہاکُوں توبہ کرݨ تئیں پُچایا۔ کیوں جو تُہاڈا ڈُکھ خُدا دے مقصد دے مطابق ہا، اِیں واسطے تُہاکُوں ساڈے سببّوں کہیں قِسم دا نُقصان نہ پُجیا۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

اِفِسیوں 4:26

غُصے ءچ آ تے گُناہ نہ کرو تے تُہاڈا غُصہ سِجھ لہوݨ تئیں نہ راہوے۔

اِفِسیوں 5:11

اندھارے دے بے پھل کماں ءچ شریک نہ تھیؤ بلکہ اُنہاں اُتے ملامت کرو۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

1تھِسّلُنیکیوں 4:6

تے اِیں معاملے ءچ کوئی وی آپنڑے بِھرا کُوں دوکھا نہ ڈیوے یا اُوندے نال زیادتی نہ کرے۔ خُداوند ایجھے کم کرݨ آلیاں کُوں سزا ڈیسی جِینویں جو اساں تُہاکُوں پہلے ای ڈسا تے خبردار کر ڈِتے۔

1 تِیمُتھِیُس 5:20

پر گُناہ کرݨ آلیاں کُوں ساریاں دے سامنڑے ملامت کر تاں جو ڈُوجھیاں کیتے وی عِبرت ہووے۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

طِطُس 3:8

ایہ گالھ سچ ہے تے مَیں چاہندا ہاں جو تُوں اِنہاں گالھیں اُتے خاص زور ڈے تاں جو خُدا اُتے اِیمان گِھن آوݨ آلے دھیان نال نیک کماں ءچ مصروف راہوݨ۔ ایہ گالھیں سبھ کیتے چنگیاں تے مفید ہِن۔

عبرانیوں 4:1

بس جڈاں خُدا دا ایہ وعدہ قائم ہے جو اساں اُوندے ارام دی جاہ ءچ داخل تھی سگدے ہیں تاں ساکُوں خبردار راہونڑا چاہیدے، کِتھائیں اِینویں نہ تھیوے جو تُہاڈے ءچوں کوئی اُوندے ءچ داخل تھیوݨ کنُوں محروم رہ ونجے۔

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔

یہُوداہ 1:23

کُجھ کُوں بھاہ ءچوں جھپٹّا مار تے بچا گِھنو تے کُجھ اُتے خُدا دے خوف نال رحم کرو تے اُوں پُشاک تُوں نفرت کرو جیہڑی اِنسانی فطرت دی وجہ کنُوں داغ دار تھی گئی ہے۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔