2کُرِنتھِیوں 7:10 - کِتاب مُقدّس سرائیکی ترجمہ

¹⁰ کیوں جو جیہڑا ڈُکھ خُدا دے مقصد دے مطابق ہوندے، او ایجھی توبہ پیدا کریندے جیہڑا نجات دو گِھن ویندے۔ اِیندے نال پچھتاوا نئیں تھیندا، پر دُنیاوی ڈُکھ موت پیدا کریندے۔

2کُرِنتھِیوں 7:10 Iomraidhean Croise

متّی 26:75

پطرس کُوں یسُوع دی او گالھ یاد آئی جیہڑی اُوں آکھی ہئی جو ”کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“ تے او باہر وَنج تے بُٹ بُٹ رویا۔

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

لُوقا 18:13

پر محصُول گِھننڑ آلے دُور کھڑ تے اسمان دو نِگاہ وی نہ کیتی بلکہ چھاتی پِٹ پِٹ تے آکھیا، ’اے خُدا! مَیں گُنہگار اُتے رحم کر۔‘

اعمال 11:18

جِیں ویلے اُنہاں ایہ سُنڑیا تاں چُپ تھی گئے تے خُدا دی حمد کر تے آکھنڑ لگے جو ”وَل تاں خُدا غیر قوماں کُوں وی زندگی حاصل کرݨ کیتے توبہ کرݨ دی توفیق ڈِتی ہے۔“

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

2کُرِنتھِیوں 7:9

تے ہُنڑ مَیں خوش ہاں، اِیں واسطے نئیں جو تُہاکُوں ڈُکھ پُجے بلکہ اِیں واسطے جو اِیں ڈُکھ تُہاکُوں توبہ کرݨ تئیں پُچایا۔ کیوں جو تُہاڈا ڈُکھ خُدا دے مقصد دے مطابق ہا، اِیں واسطے تُہاکُوں ساڈے سببّوں کہیں قِسم دا نُقصان نہ پُجیا۔

عبرانیوں 12:17

تُساں جانڑدے ہیوے جو بعد ءچ جڈاں اُوں برکت کُوں وراثت ءچ گِھننڑ چاہیا تاں قبول نہ کیتا گِیا۔ اُونکُوں توبہ کرݨ دا موقع نہ مِلیا بھانویں جو او ہنجُو وہا وہا تے اُوں برکت کُوں حاصل کرݨ دی کوشش کریندا ریہا۔