2کُرِنتھِیوں 6:9 - کِتاب مُقدّس سرائیکی ترجمہ

⁹ اساں مشہور ہیں، وَل وی لوک ساکُوں نئیں جانڑدے۔ اساں موت دے مُنہ ءچ راہندے ہیں، پر ڈیکھو وَل وی زندہ ہیں۔ مار کھاندے راہندے ہیں پر جان کنُوں نئیں مردے۔

2کُرِنتھِیوں 6:9 Iomraidhean Croise

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 19:26

پر تُساں ڈیدھے تے سُنڑدے ہیوے جو ایہ بندہ پولُس اِفِسُس تے تقریباً سارے آسِیہ ءچ بہُوں سارے لوکاں کُوں قائل کر تے گُمراہ کریندا پِیا ہے تے آدھے جو ہتھ دے بنڑائے بُت اصلُوں خُدا نئیں۔

اعمال 25:19

بلکہ آپنڑے مذہب تے یسُوع ناں دے ہِک بندے دے بارے ءچ بحث کریندے ہَن جیہڑا مر گِیا ہا تے پولُس اُونکُوں زندہ اکھیندے۔

اعمال 25:26

پر قیصر کُوں لِکھنڑ کیتے میڈے کولھ کوئی خاص گالھ نئیں، اِیں واسطے مَیں اُونکُوں تُہاڈے سامنڑے تے خاص کر اگرِپّا بادشاہ تُہاڈے سامنڑے حاضر کیتے تاں جو تفتیش دے بعد کوئی ایجھی گالھ معلوم تھیوے جِینکُوں مَیں قیصر کُوں لِکھ تے بھیج سگاں۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

رومیوں 8:36

جِینویں لِکھیا ہے جو ”اساں تیڈی خاطر سارا ڈینہہ موت دا سامنڑا کریندے ہیں، اساں ذبح تھیوݨ آلیاں بھیڈاں وانگُوں سمجھے ویندے ہیں۔“

1کُرِنتھِیوں 11:32

پر خُداوند ساکُوں سزا ڈے تے ساڈی تربیت کریندے تاں جو اساں دُنیا دے نال مُجرم نہ بنڑوں۔

1کُرِنتھِیوں 15:31

بِھراؤ! ساڈے خُداوند یسُوع مسیح ءچ ہوندے ہوئے، مَیں تُہاڈے اُتے فخر کریندا ہاں تے اِیں فخر دی قَسم کھا تے آدھا ہاں جو مَیں تاں ہر روز مردا ہاں۔

1کُرِنتھِیوں 4:9

میکُوں تاں اِینویں لگدے جو خُدا اساں رسُولاں کُوں سبھ تُوں گھٹیا بنڑا تے اُنہاں جنگی قیدیاں وانگُوں پیش کیتے، جِنہاں کیتے موت مقرر تھی گئی ہے کیوں جو اساں پُوری دُنیا، فرشتیاں تے اِنساناں کیتے تماشا بنڑ گئے ہیں۔

2کُرِنتھِیوں 11:6

بھانویں مَیں تقریر کرݨ ءچ ماہر نئیں، پر میڈے کولھ علم تاں ضرور ہے تے اِیندا ثبوت اساں تُہاکُوں ہر گالھ ءچ تے ہر طرحاں ڈے ڈِتے۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

2کُرِنتھِیوں 5:11

اساں خُداوند دے خوف کُوں سامنڑے رکھ تے ڈُوجھیاں کُوں سمجھاوݨ دی کوشش کریندے ہیں۔ خُدا دے اگُوں ساڈی حقیقت ظاہر ہے تے میکُوں اُمید ہے جو تُساں وی ساکُوں چنگی طرحاں جانڑدے ہوسو۔