2کُرِنتھِیوں 6:3 - کِتاب مُقدّس سرائیکی ترجمہ

³ اساں کہیں وی گالھ ءچ تُھڈا کھاوݨ دا سبب نئیں بنڑدے تاں جو ساڈی اِیں خدمت اُتے کوئی انگل نہ چاوے۔

2کُرِنتھِیوں 6:3 Iomraidhean Croise

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“

متّی 18:6

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔

اعمال 19:27

بس فقط اِیں گالھ دا ای ڈر نئیں جو ساڈے پیشے دی بےقدری تھیسی بلکہ عظیم دیوی اَرتمِس دے مندر دی حیثیت وی گھٹ تھی ویسی تے ساڈی دیوی جیندی پُوجا سارا صوبہ آسِیہ بلکہ پُوری دُنیا کریندی ہے، اُوندے ناں دی عظمت وی نہ راہسی۔“

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:22

کمزوراں دی خاطر کمزور بنڑیا تاں جو کمزوراں کُوں گِھن آواں۔ مَیں ساریاں لوکاں دی خاطر سبھ کُجھ بنڑیا تاں جو کہیں نہ کہیں طرحاں کُجھ کُوں بچا سگاں۔

2کُرِنتھِیوں 1:12

ساکُوں آپنڑے ضمیر دی اِیں گواہی اُتے فخر ہے جو اساں دُنیا ءچ تے خاص طور تے تُہاڈے سامنڑے اُوں پاک دِلی تے سچائی نال زندگی گُزاری ہے جیہڑی خُدا دی طرفوں مِلدی ہے۔ ایہ ساڈی آپنڑی اِنسانی حِکمت نال نئیں بلکہ خُدا دے فضل نال تھئے۔

2کُرِنتھِیوں 8:20

اساں اِیں کنُوں بچنڑا چاہندے ہیں جو جِیں خیرات دا اساں اِنتظام کریندے ہیں، اُوندے بارے ءچ کوئی ساڈے اُتے انگل نہ چاوے۔