2کُرِنتھِیوں 5:9 - کِتاب مُقدّس سرائیکی ترجمہ

⁹ بس بھانویں اساں اِیں بدن ءچ راہندے ہوؤں یا نئیں، ساڈا مقصد تاں اُونکُوں خوش کرݨ ہے۔

2کُرِنتھِیوں 5:9 Iomraidhean Croise

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

اعمال 10:35

بلکہ ہر قوم ءچ جیہڑا اُوں کنُوں ڈردے تے راستبازی دے کم کریندے، او اُونکُوں پسند آندے۔

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

رومیوں 14:8

جے اساں زندہ ہیں تاں خُداوند دی خاطر زندہ ہیں، تے جے مردے ہیں تاں خُداوند دی خاطر مردے ہیں، اِیں واسطے بھانویں اساں زندہ راہوں یا مرُوں، اساں خُداوند ای دے ہیں۔

رومیوں 15:20

میڈا صرف ایہ مقصد ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔

1کُرِنتھِیوں 15:58

اِیں کیتے میڈے عزیز بِھراؤ! مضبوط تے قائم راہو تے خُدا دی خدمت ءچ ہمیشاں جوش نال بھرے راہو کیوں جو تُساں جانڑدے ہیوے جو خُداوند کیتے تُہاڈی محنت بے فائدہ نئیں۔

2کُرِنتھِیوں 5:6

بس اساں ہمیشاں حوصلہ رکھیندے ہیں تے ایہ جانڑدے ہیں جو جئیں تئیں اساں بدن دے گھر ءچ ہیں، خُداوند دے گھر کنُوں دُور ہیں

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

1تھِسّلُنیکیوں 4:11

تے جِینویں اساں تُہاکُوں ہدایت کیتی ہے، ہر بندہ چُپ چاپ رہ تے آپنڑے کم ءچ لگا راہوے تے آپنڑے ہتھ نال محنت کر تے روٹی کماوݨ دی کوشش کرے۔

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔