2کُرِنتھِیوں 5:6 - کِتاب مُقدّس سرائیکی ترجمہ

⁶ بس اساں ہمیشاں حوصلہ رکھیندے ہیں تے ایہ جانڑدے ہیں جو جئیں تئیں اساں بدن دے گھر ءچ ہیں، خُداوند دے گھر کنُوں دُور ہیں

2کُرِنتھِیوں 5:6 Iomraidhean Croise

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

عبرانیوں 10:35

بس ہِمت نہ ہارو کیوں جو اِیندا اجر وڈا ہے۔

عبرانیوں 11:13

ایہ سارے لوک اِیمان رکھیندے ہوئے مر گئے تے وعدہ کیتیاں ہوئیاں چیزاں نہ پاتیاں، بلکہ صرف دُور کنُوں ای ڈیکھ تے خوش تھئے، تے اِقرار کیتا جو اساں زمین اُتے پردیسی تے مسافر ہیں۔

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔