2کُرِنتھِیوں 5:11 - کِتاب مُقدّس سرائیکی ترجمہ

¹¹ اساں خُداوند دے خوف کُوں سامنڑے رکھ تے ڈُوجھیاں کُوں سمجھاوݨ دی کوشش کریندے ہیں۔ خُدا دے اگُوں ساڈی حقیقت ظاہر ہے تے میکُوں اُمید ہے جو تُساں وی ساکُوں چنگی طرحاں جانڑدے ہوسو۔

2کُرِنتھِیوں 5:11 Iomraidhean Croise

متّی 10:28

اُنہاں کنُوں نہ ڈرو جیہڑے جِسم کُوں تاں قتل کر سگدے ہِن پر رُوح کُوں نئیں۔ بلکہ اُوں کنُوں ڈرو جیہڑا جِسم تے رُوح ڈوہائیں کُوں دوزخ ءچ سَٹ سگدے۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

لُوقا 12:5

پر مَیں تُہاکُوں چِتا ڈیندا ہاں جو کئیں کنُوں ڈرنڑا چاہیدے۔ اُوں کنُوں ڈرو جِینکُوں جان کنُوں مارݨ دے بعد دوزخ ءچ سَٹ ڈیوݨ دا اِختیار ہے۔ ہاں! مَیں تُہاکُوں آدھا ہاں جو اُونہی کنُوں ڈرو۔

لُوقا 16:31

اُوں اُونکُوں آکھیا، ’جے او مُوسیٰ تے نبیاں دی نئیں سُنڑدے تاں جے کوئی مُردیاں ءچوں زندہ تھی ونجے تاں اُوندی وی نہ سُنڑسن‘۔“

اعمال 13:43

جِیں ویلے عبادت ختم تھی گئی تاں بہُوں سارے یہُودی تے خُدا پرست نومُرید یہُودی پولُس تے برنباس دے پِچُھوں تھی پئے۔ اُنہاں ڈوہائیں، اُنہاں نال مزید گالھیں کیتیاں تے زور ڈے تے آکھیا جو خُدا دے فضل اُتے قائم راہو۔

اعمال 18:13

تے آکھنڑ لگے جو ”ایہ بندہ لوکاں کُوں ایجھے طریقہ نال خُدا دی عبادت کرݨ کیتے اُبھریندے جیہڑا ساڈی شریعت دے خلاف ہے۔“

اعمال 18:4

پر او ہر سبت، عبادت خانہ ویندا تے یہُودیاں تے یُونانیاں نال بحث کر تے اُنہاں کُوں قائل کریندا ہا۔

اعمال 19:26

پر تُساں ڈیدھے تے سُنڑدے ہیوے جو ایہ بندہ پولُس اِفِسُس تے تقریباً سارے آسِیہ ءچ بہُوں سارے لوکاں کُوں قائل کر تے گُمراہ کریندا پِیا ہے تے آدھے جو ہتھ دے بنڑائے بُت اصلُوں خُدا نئیں۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

2کُرِنتھِیوں 2:17

اساں اُنہاں اکثر لوکاں آلی کار نئیں جیہڑے پیسے کیتے خُدا دے کلام ءچ ملاوٹ کریندے ہِن بلکہ خُدا دی طرفوں تے اُونکُوں حاضر جاݨ تے مسیح ءچ سچے دل نال گالھ کریندے ہیں۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

اِفِسیوں 5:21

مسیح دے خوف ءچ ہِک ڈُوجھے دے تابع راہو۔

عبرانیوں 10:31

ایہ ہِک خوفناک گالھ ہے جو زندہ خُدا ساکُوں سزا ڈیوݨ کیتے پکڑے۔

عبرانیوں 12:29

کیوں جو ساڈا خُدا ”ساڑ تے سواہ کر ڈیوݨ آلی بھاہ ہے۔“

یہُوداہ 1:23

کُجھ کُوں بھاہ ءچوں جھپٹّا مار تے بچا گِھنو تے کُجھ اُتے خُدا دے خوف نال رحم کرو تے اُوں پُشاک تُوں نفرت کرو جیہڑی اِنسانی فطرت دی وجہ کنُوں داغ دار تھی گئی ہے۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔