2کُرِنتھِیوں 3:7 - کِتاب مُقدّس سرائیکی ترجمہ

⁷ جِیں ویلے او موت گِھن آوݨ آلا نِظام جیندے الفاظ پتھر دیاں تختیاں اُتے لِکھے گئے ہَن، ایجھا جلالی ہا جو بنی اِسرائیل کُوں مُوسیٰ دے چہرے دے نُور کُوں ڈیکھنڑ دی تاب نہ ہئی بھانویں جو او نُور گھٹدا ویندا ہا،

2کُرِنتھِیوں 3:7 Iomraidhean Croise

اعمال 6:15

اُنہاں ساریاں، جیہڑے عدالت ءچ بیٹھے ہَن، ستِفُنس اُتے نِگاہ کیتی تاں ڈِٹھا جو اُوندا چہرہ فرشتے آلی کار ہے۔

رومیوں 10:4

کیوں جو مسیح شریعت دی تکمیل ہے تے نتیجے ءچ ہر اِیمان گِھن آوݨ آلا راستباز کھڑایا ویندے۔

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

رومیوں 5:20

بعد ءچ شریعت آ گئی تاں جو گُناہ زیادہ تھی ونجے پر جِتھاں گُناہ زیادہ تھیّا اُتھاں فضل اُوں کنُوں وی زیادہ تھیّا۔

رومیوں 7:10

تے جیہڑے حُکم دا مقصد زندگی ڈیوݨ ہا اُوہو میڈے کیتے موت دا سبب بنڑ گِیا۔

رومیوں 7:22

کیوں جو دِلُوں تاں مَیں خُدا دی شریعت تُوں بہُوں خوش ہاں،

رومیوں 7:5

جِیں ویلے اساں آپنڑی جِسمانی فطرت دے مطابق زندگی گُزریندے ہسے تاں شریعت گُناہ دیاں خواہشاں پیدا کریندی ہئی۔ تے ایہ خواہشاں ساڈے اَنگاں اُتے اثر کریندیاں ہَن تے ایجھے پھل پیدا کریندیاں ہَن جِنہاں دا انجام موت ہے۔

1کُرِنتھِیوں 13:10

پر جِیں ویلے کامِل آسی تاں نامکمل چیزاں ویندیاں راہسن۔

2کُرِنتھِیوں 3:3

ایہ صاف ظاہر ہے جو تُساں مسیح دی او چِٹھی ہیوے جیہڑی اُوں ساڈی خدمت دے ذریعے لِکھی ہے۔ او چِٹھی مَس نال نئیں بلکہ زندہ خُدا دے رُوح القُدس نال لِکھی گئی ہے، پتھر دیاں تختیاں اُتے نئیں بلکہ اِنسانی دِلاں دیاں تختیاں اُتے۔

2کُرِنتھِیوں 3:6

جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

2کُرِنتھِیوں 3:8

تاں رُوح القُدس دے نِظام دا جلال اُوں کنُوں کِتنا زیادہ ہوسی؟

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

گلتِیوں 3:21

تاں کیا شریعت خُدا دے وعدے دے خلاف ہے؟ ہرگز نئیں! کیوں جو جے کوئی ایجھی شریعت ڈِتی ویندی جیہڑی زندگی بخش سگدی تاں راستبازی شریعت دے ذریعے حاصل تھیندی۔

عبرانیوں 12:18

تُساں سِینا پہاڑ دے کولھ نئیں آئے جِینکُوں ہتھ لاوݨ ممکن ہا۔ او پہاڑ بھاہ نال بلدا پِیا ہا تے کالے بدّل، اندھارے تے طوفان نال چارے پاسُوں گِھریا ہویا ہا۔

عبرانیوں 3:3

پر جِینویں گھر بنڑاوݨ آلا اُوں گھر کنُوں زیادہ عزت دے لائق سمجھیا ویندے، اُونویں ای یسُوع وی مُوسیٰ کنُوں زیادہ عزت دے لائق ہے۔

عبرانیوں 9:4

اُوندے ءچ خوشبودار مصالحہ ساڑن آلی سونے دی قُربان گاہ تے عہد دا صندوق ہا جیہڑا سونے نال مڑھیا ہویا ہا۔ اُوں صندوق ءچ مَن نال بھریا ہویا سونے دا برتن، ہارُون دی سوٹی جیندے ءچوں پُھلاں دیاں ڈوڈیاں نِکلیاں پئیاں ہَن، تے پتھر دیاں او تختیاں ہَن جِنہاں اُتے عہد دے حُکم کندہ کیتے گئے ہَن۔