2کُرِنتھِیوں 3:6 - کِتاب مُقدّس سرائیکی ترجمہ

⁶ جئیں ساکُوں نویں عہد دے خادم ہووݨ دے لائق وی بنڑایا ہے۔ ایہ عہد لِکھے ہوئے حُکماں اُتے نئیں بلکہ رُوح اُتے قائم ہے کیوں جو لِکھے ہوئے حُکم مار سٹیندے ہِن پر رُوح القُدس زندگی ڈیندے۔

2کُرِنتھِیوں 3:6 Iomraidhean Croise

متّی 13:52

یسُوع اُنہاں کُوں آکھیا، ”اِیں واسطے ہر شریعت دا عالم جیہڑا اسمان دی بادشاہی دا شاگرد بنڑیا ہے اُوں گھر دے مالک وانگُوں ہے جیہڑا آپنڑے خزانے ءچوں نوِیاں تے پُرانڑیاں چیزاں کڈھیندے۔“

متّی 26:28

کیوں جو ایہ میڈا خون ہے، عہد دا او خون جیہڑا بہُوں ساریاں دے گُناہاں دی معافی کیتے وہایا ویندے۔

مرقس 14:24

اُوں اُنہاں کُوں آکھیا، ”ایہ خُدا دے عہد کُوں قائم کرݨ آلا میڈا خون ہے جیہڑا بہُوں ساریاں کیتے وہایا ویندے۔

لُوقا 22:20

تے اِینویں ای کھانڑے دے بعد اُوں پیالہ گِھدا تے آکھیا، ”ایہ پیالہ میڈے اُوں خون ءچ نواں عہد ہے، جیہڑا تُہاڈے کیتے وہایا ویندے۔

یُوحنّا 5:21

کیوں جو جِینویں باپ مُردیاں کُوں زندہ کر تے زندگی ڈیندے، اُونویں ای پوتر وی جِنہاں کُوں چاہندے زندگی ڈیندے۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

رومیوں 1:5

جیندے وسیلے تے ناں دی خاطر ساکُوں فضل تے رسُول ہووݨ دی ذمہ داری مِلی، تاں جو سبھ قوماں ءچوں لوک اِیمان گِھن آ تے یسُوع دے تابع تھی ونجنڑ۔

رومیوں 3:20

کیوں جو شریعت دے کم کر تے کوئی بندہ خُدا دی نِگاہ ءچ راستباز نئیں کھڑ سگدا بلکہ شریعت دے وسیلے گُناہ دی پچھاݨ تھیندی ہے۔

رومیوں 4:15

کیوں جو شریعت غضب گِھن آندی ہے تے جِتھاں شریعت نئیں اُتھاں حُکم عدُولی وی نئیں۔

رومیوں 4:17

جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا تے جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

رومیوں 7:6

پر ہُنڑ اساں مر تے شریعت دی قید ءچوں چُھٹ گئے ہیں۔ تے اساں لِکھی ہوئی شریعت دے پُرانڑے طریقہ دے مطابق نئیں بلکہ رُوح القُدس دے نویں طریقہ دے مطابق خدمت کریندے ہیں۔

رومیوں 8:2

کیوں جو رُوح القُدس دی زندگی بخشنڑ آلی قوت تُہاکُوں مسیح یسُوع دے ذریعے گُناہ تے موت دی قوت کنُوں آزاد کر ڈِتے۔

1کُرِنتھِیوں 11:25

اِینویں ای، کھانڑے دے بعد اُوں پیالہ وی گِھدا تے آکھیا، ”ایہ پیالہ او نواں عہد ہے جیہڑا میڈے خون دے وسیلے بدھیا ویندے۔ جِیں ویلے وی اِینکُوں پِیو، میڈی یادگاری کیتے اِیہو کیتا کرو۔“

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

1کُرِنتھِیوں 15:45

اِیں واسطے کلام ءچ لِکھیا وی ہے جو ”پہلا بندہ یعنی آدم زندہ اِنسان بنڑیا۔“ آخری آدم یعنی مسیح زندگی بخشنڑ آلی رُوح بنڑیا۔

1کُرِنتھِیوں 3:10

مَیں اُوں فضل دے مطابق جیہڑا خُدا میکُوں بخشیا ہے، ہِک ماہر مِستری وانگُوں بنیاد رکھی ہے تے کوئی ڈُوجھا اُوندے اُتے گھر بنڑیندا پئے۔ پر ہر ہِک کُوں خبردار راہونڑاں چاہیدے جو او کِینویں بنڑیندے۔

1کُرِنتھِیوں 3:5

آخر اپُلّوس کیا ہے تے پولُس کیا ہے؟ ایہ صرف خادم ہِن جِنہاں دے وسیلے تُساں اِیمان گِھن آئے تے اساں ڈُوہائیں اُوہو کم کیتا جیہڑا خُداوند ساڈے کیتے علیحدہ علیحدہ مقرر کیتا۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 3:14

اُنہاں دے ذہن سخت تھی گئے تے اَج تئیں پُرانڑے عہد دیاں کتاباں پڑھدے ویلے اُنہاں دے دل اُتے پڑدہ پِیا راہندے۔ ایہ پڑدہ صرف مسیح دے وسیلے نال چاتا ویندے۔

2کُرِنتھِیوں 3:3

ایہ صاف ظاہر ہے جو تُساں مسیح دی او چِٹھی ہیوے جیہڑی اُوں ساڈی خدمت دے ذریعے لِکھی ہے۔ او چِٹھی مَس نال نئیں بلکہ زندہ خُدا دے رُوح القُدس نال لِکھی گئی ہے، پتھر دیاں تختیاں اُتے نئیں بلکہ اِنسانی دِلاں دیاں تختیاں اُتے۔

2کُرِنتھِیوں 3:7

جِیں ویلے او موت گِھن آوݨ آلا نِظام جیندے الفاظ پتھر دیاں تختیاں اُتے لِکھے گئے ہَن، ایجھا جلالی ہا جو بنی اِسرائیل کُوں مُوسیٰ دے چہرے دے نُور کُوں ڈیکھنڑ دی تاب نہ ہئی بھانویں جو او نُور گھٹدا ویندا ہا،

2کُرِنتھِیوں 3:9

جِیں ویلے قصُوروار کھڑاوݨ آلا نِظام جلالی ہا، تاں راستباز کھڑاوݨ آلا نِظام کِتنا زیادہ جلالی ہوسی۔

گلتِیوں 3:21

تاں کیا شریعت خُدا دے وعدے دے خلاف ہے؟ ہرگز نئیں! کیوں جو جے کوئی ایجھی شریعت ڈِتی ویندی جیہڑی زندگی بخش سگدی تاں راستبازی شریعت دے ذریعے حاصل تھیندی۔

اِفِسیوں 2:1

تُساں پہلے آپنڑے قصُوراں تے گُناہاں دی وجہ کنُوں رُوحانی طور تے مُردہ ہَوے

اِفِسیوں 2:5

جِیں ویلے اساں گُناہاں دی وجہ کنُوں مُردہ ہسے، تاں اُوں ساکُوں مسیح دے نال زندہ کیتا۔ ہا، تُہاکُوں فضل نال ای نجات مِلی ہے۔

اِفِسیوں 3:7

خُدا دے فضل دی برکت دے وسیلے جیہڑی اُوندی قُدرت دے اثر نال میکُوں مِلی، مَیں اِیں خوشخبری دا خادم بنڑیا۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

2 تِیمُتھِیُس 1:11

خُدا میکُوں اِیں خوشخبری دی تبلیغ کرݨ آلا، رسُول تے اُستاد مقرر کیتا۔

عبرانیوں 12:24

تُساں نویں عہد دے درمیانی یسُوع تے اُوندے اُوں چِھنڈکے ہوئے خون دے کولھ آئے ہیوے جیہڑا ہابل دے خون دی نسبت چنگا پیغام ڈیندا ہے۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

عبرانیوں 7:22

قَسم دی وجہ تُوں یسُوع ہِک بہتر عہد دی ضمانت ڈیوݨ آلا بنڑیا۔

عبرانیوں 8:13

خُدا ”نویں عہد“ دا ذِکر کر تے پہلے کُوں پُرانڑا قرار ڈِتا۔ تے جیہڑی چیز پہلے دی ہے او پُرانڑی تے ناکارہ ہے، او جلدی ختم تھی ویسی۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔