2کُرِنتھِیوں 2:3 - کِتاب مُقدّس سرائیکی ترجمہ

³ مَیں تُہاکُوں اِیہو گالھ لِکھی ہئی تاں جو جِیں ویلے مَیں آواں تاں میکُوں اُنہاں لوکاں کنُوں ڈُکھ نہ پُجے جِنہاں کنُوں میکُوں خوشی مِلنڑی چاہیدی ہئی، کیوں جو میکُوں تُہاڈے ساریاں اُتے اِیں گالھ دا بھروسا ہے جو جیہڑی میڈی خوشی ہے اُوہو تُساں ساریاں دی وی خوشی ہے۔

2کُرِنتھِیوں 2:3 Iomraidhean Croise

1کُرِنتھِیوں 4:21

تُساں کیا چاہندے ہیوے، جو مَیں سوٹی گِھن تے تُہاڈے کولھ آواں یا محبت تے نرم مزاجی نال؟

2کُرِنتھِیوں 1:15

اِیں گالھ اُتے بھروسا رکھ تے مَیں اِرادہ کیتا ہا جو پہلے تُہاڈے کولھ آواں تاں جو تُہاکُوں ڈُونڑا فائدہ تھیوے۔

2کُرِنتھِیوں 1:23

خُدا گواہ ہے جو مَیں کُرِنتُھس اِیں واسطے واپس نئیں آیا جو مَیں تُہاکُوں دڑکنڑ تُوں باز راہوݨ چاہندا ہم۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

2کُرِنتھِیوں 13:10

اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 2:9

مَیں اِیں واسطے وی لِکھیا ہا جو تُہاڈا اِمتحان گِھن تے ڈیکھاں جو تُساں سارے گالھیں ءچ فرمانبردار ہیوے یا نئیں۔

2کُرِنتھِیوں 7:12

بےشک مَیں او خط لِکھیا تاں ہا، پر اِیں واسطے نئیں جو اُوں غلط کم کرݨ آلے دے بارے ءچ لِکھاں یا اُوندے بارے ءچ جِیندے نال غلط کم تھئے، بلکہ اِیں واسطے جو خُدا دے حضُور تُہاڈے اُتے ظاہر تھی ونجے جو تُساں ساڈے کیتے کِتنا جوش رکھیندے ہیوے۔

2کُرِنتھِیوں 7:16

مَیں بہُوں خوش ہاں تے میکُوں تُہاڈے بارے ءچ ہر لحاظ نال چنگی طرحاں تسلی تھی گئی ہے۔

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

2کُرِنتھِیوں 7:8

بھانویں مَیں آپنڑے پہلے خط نال تُہاکُوں ڈُکھ ڈِتا، وَل وی مَیں پچھتیندا نئیں، بے شک پہلے پچھتیندا ہم۔ کیوں جو میں ڈیدھا ہاں جو اُوں خط نال تُہاکُوں ڈُکھ تاں پُجے پر صرف کُجھ عرصہ کیتے۔

2کُرِنتھِیوں 8:22

اساں اُنہاں ڈُوہائیں بِھرانواں دے نال ہِک بئے بِھرا کُوں وی بھجیندے پئے ہیں جِینکُوں اساں بہُوں سارے گالھیں ءچ چنگی طرحاں ازمایا تے بہُوں پُر جوش ڈِٹھا ہے۔ ہُنڑ کیوں جو تُہاڈے اُتے بہُوں بھروسا ہے، اِیں واسطے او بِیا وی پُر جوش تھی گئے۔

گلتِیوں 5:10

میکُوں خُداوند یسُوع ءچ تُہاڈے اُتے بھروسہ ہے جو تُساں کوئی بئی سوچ نہ رکھیسو پر جیہڑا بندہ تُہاڈے ءچ پریشانی پیدا کریندے بھانویں جیہڑا وی ہووے، اُونکُوں سزا مِلسی۔

2تھِسّلُنیکیوں 3:4

ساکُوں خُداوند ءچ یقین ہے جو جیہڑا حُکم اساں تُہاکُوں ڈیندے ہیں، تُساں اُوندے اُتے عمل کریندے ہیوے تے کریندے راہسو۔

فِلیمون 1:21

مَیں تیڈی فرمانبرداری اُتے یقین کر تے تیکُوں لِکھدا پِیا ہاں تے جانڑدا ہاں جو جیہڑا کُجھ تیکُوں آدھا پِیا ہاں، تُوں اُوں کنُوں ودھ کریسیں۔