2کُرِنتھِیوں 2:13 - کِتاب مُقدّس سرائیکی ترجمہ

¹³ وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 2:13 Iomraidhean Croise

مرقس 6:46

لوکاں کُوں رُخصت کرݨ دے بعد او دُعا کرݨ کیتے پہاڑ اُتے چلیا گِیا۔

اعمال 21:6

اِیندے بعد ہِک ڈُوجھے کُوں خُدا حافظ آکھ تے اساں جہاز ءچ سوار تھی گئے، تے او آپنڑے آپنڑے گھر وَل گئے۔

رومیوں 15:26

کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

2کُرِنتھِیوں 12:18

مَیں طِطُس دی مِنت کیتی جو تُہاڈے کولھ ونجے تے اُوندے نال ہِک بئے بِھرا کُوں وی بھیجیا۔ کیا طِطُس تُہاڈے کنُوں کوئی ناجائز فائدہ چاتے؟ کیا اساں ہِکو رُوح کنُوں ہدایت گِھن تے نہ ٹُرے؟ کیا اساں ہِکو راہ اُتے نہ ٹُرے؟

2کُرِنتھِیوں 7:13

اِیں واسطے ساکُوں تسلی ہے۔ تے اِیں تسلی دے علاوہ طِطُس کُوں خوش ڈیکھ تے ساکُوں بئی وی خوشی تھئی کیوں جو تُساں ساریاں دے سببّوں اُوندی رُوح وَل تازہ تھی گئی۔

2کُرِنتھِیوں 7:14

مَیں اُوندے سامنڑے تُہاڈے بارے ءچ فخر کیتا ہا تے میں شرمندہ نئیں تھیّا۔ بلکہ جِینویں اساں تُہاکُوں ہمیشاں سچے گالھیں ڈسائیاں ہِن، اُونویں ای جیہڑا فخر اساں تُہاڈے بارے ءچ طِطُس دے سامنڑے کیتا او وی سچ ثابت تھیّا۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

2کُرِنتھِیوں 8:23

جے کوئی طِطُس دے بارے ءچ پُچھے تاں او میڈا ساتھی تے تُہاڈی مدد کرݨ کیتے میڈا نال خدمت کریندے۔ جے بئے بِھرانواں دے بارے ءچ سوال ہووے تاں او کلیسیاواں دے نمائندے تے مسیح دے جلال دا سبب ہِن۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

گلتِیوں 2:1

وَل چوڈھاں سال بعد مَیں برنباس نال ولا یروشلیم چلیا گِیا تے طِطُس کُوں وی نال گِھن گِیا۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔