2کُرِنتھِیوں 2:12 - کِتاب مُقدّس سرائیکی ترجمہ

¹² جِیں ویلے مَیں مسیح دی خوشخبری دی تبلیغ کیتے تروآس پُجیا تاں خُداوند میڈے کیتے خدمت دا دروازہ کھول ڈِتا ہا۔

2کُرِنتھِیوں 2:12 Iomraidhean Croise

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

اعمال 16:11

بس تروآس تُوں اساں جہاز اُتے روانہ تھئے تے سمتُراکے تئیں آئے تے ڈُوجھے ڈینہہ نیاپُلِس ءچ۔

اعمال 16:8

بس او مُوسیہ کنُوں لنگھدے ہوئے تروآس ءچ آئے۔

اعمال 20:8

جِیں چوبارے ءچ اساں کٹھے ہسے، اُوندے ءچ بہُوں سارے ڈیوے بلدے پئے ہَن۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

1کُرِنتھِیوں 16:9

کیوں جو اِتھاں میڈے کیتے تبلیغ کرݨ دا ہِک وڈا دروازہ کُھلیا پِیا ہے، بےشک مخالفت کرݨ آلے وی بہُوں ہِن۔

1کُرِنتھِیوں 9:12

جِیں ویلے ڈُوجھیاں کُوں ایہ حق ہے جو تُہاڈے تُوں کُجھ گِھننڑ تاں کیا ساڈا حق اُنہاں کنُوں زیادہ نہ ہوسی؟ وَل وی اساں اِیں حق کُوں اِستعمال نہ کیتا بلکہ سبھ کُجھ برداشت کریندے ریہے تاں جو ساڈے سببّوں مسیح دی خوشخبری ءچ رکاوٹ نہ تھیوے۔

1کُرِنتھِیوں 9:14

اِینویں ای خُداوند وی مقرر کیتے جو خوشخبری دی تبلیغ کرݨ آلے خوشخبری قبول کرݨ آلیاں دی مدد نال گُزارہ کرݨ۔

1کُرِنتھِیوں 9:16

پر جڈاں مَیں خوشخبری دی تبلیغ کریندا ہاں تاں اِیندے ءچ میڈا کوئی فخر نئیں کیوں جو ایہ تاں میڈے اُتے فرض ہے۔ بلکہ میڈے اُتے افسوس، جے مَیں خوشخبری دی تبلیغ نہ کراں۔

2کُرِنتھِیوں 10:14

اساں فخر کرݨ ءچ آپنڑے آپ کُوں حد تُوں زیادہ نئیں ودھیندے کیوں جو اساں مسیح دی خوشخبری ڈیندے ہوئے تُہاڈے تئیں پُج گئے ہیں۔ جے تُہاڈے تئیں نہ پُجے ہوندے تاں بئی گالھ ہوندی۔

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

2کُرِنتھِیوں 11:7

کیا ایہ میڈا جُرم ہا جو مَیں خُدا دی خوشخبری تُہاکُوں مُفت سُنڑا تے آپنڑے آپ کُوں پست کیتا تاں جو تُساں اُچے تھی ونجو؟

2کُرِنتھِیوں 4:3

جے او خوشخبری جیندی اساں تبلیغ کریندے ہیں ہُنڑ وی پڑدہ دے پِچھے لُکی ہوئی ہے تاں صرف ہلاک تھیوݨ آلیاں کیتے ہے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

2کُرِنتھِیوں 8:18

اساں اُوندے نال اُوں بِھرا کُوں بھجیندے پئے ہیں جیندی تعریف خوشخبری دی تبلیغ کرݨ دے سببّوں سبھ کلیسیاواں ءچ تھیندی پئی ہے۔

2کُرِنتھِیوں 9:13

تُہاڈی اِیں خدمت دا ثبوت ڈیکھ تے او خُدا دی تعریف کریسن جو تُساں مسیح دی خوشخبری دا اِقرار کر تے اُوندے اُتے عمل وی کریندے ہیوے تے اُنہاں دی، تے سبھ لوکاں دی مدد کرݨ ءچ بہُوں فیاضی کریندے ہیوے۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،