2کُرِنتھِیوں 13:7 - کِتاب مُقدّس سرائیکی ترجمہ

⁷ اساں خُدا تُوں دُعا کریندے ہیں جو تُساں بُرائی نہ کرو۔ اِیں واسطے نئیں جو اساں کامیاب نظر آؤں بلکہ اِیں واسطے جو تُساں اُوہو کرو جیہڑا چنگا ہے، بےشک اساں ناکام ای نظر آؤں۔

2کُرِنتھِیوں 13:7 Iomraidhean Croise

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

یُوحنّا 17:15

میڈی دُعا ایہ نئیں جو تُوں اُنہاں کُوں دُنیا کنُوں چا گِھن بلکہ ایہ ہے جو اُنہاں کُوں شیطان تُوں محفوظ رکھ۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

رومیوں 12:17

بُرائی دا جواب بُرائی نال نہ ڈیؤ۔ دھیان نال او کم کرو جیہڑا ساریاں دی نِگاہ ءچ چنگا ہووے۔

رومیوں 13:13

اساں حیادار زندگی گُزاروں جِینویں لوک ڈینہہ دی روشنی ءچ کریندے ہِن۔ اِیں واسطے ساڈے ءچ نچنڑ ٹپنڑ، نشہ بازی، زِناکاری، شہوت پرستی، جھیڑے تے حسد وغیرہ نہ ہووے۔

رومیوں 16:10

اَپلِّیس کُوں سلام آکھو جیہڑا مسیح ءچ مقبول ہے۔ اَرسِتُبُولُس دے گھر آلیاں کُوں سلام آکھو۔

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

2کُرِنتھِیوں 10:10

کیوں جو کُجھ لوک تاں آدھے ہِن جو ”پولُس دے خط تاں بہُوں کارآمد تے زبردست ہِن پر جِیں ویلے او خود موجود ہوندا ہے تاں معمولی جِیہا لگدے تے اُوندی تقریر کہیں کم دی نئیں ہوندی۔“

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

2کُرِنتھِیوں 13:6

پر میکُوں اُمید ہے جو تُہاکُوں پتہ لگ ویسی جو اساں ناکام نئیں۔

2کُرِنتھِیوں 13:8

کیوں جو اساں حق دے خلاف کُجھ نئیں کر سگدے بلکہ صرف حق کیتے کر سگدے ہیں۔

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

2کُرِنتھِیوں 6:4

بلکہ خُدا دے خادم ہوندے ہوئے اساں ہر گالھ تُوں آپنڑی نیکی ظاہر کریندے ہیں، یعنی بہُوں صبر نال، مُصیبت ءچ، مُشکلات ءچ، تنگی ءچ،

2کُرِنتھِیوں 8:21

اساں پُوری کوشش کریندے ہیں جو اُوہو کم کرُوں جیہڑے نہ صرف خُداوند دی نظر ءچ چنگے ہووݨ بلکہ اِنساناں دی نظر ءچ وی۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

1 تِیمُتھِیُس 2:2

بادشاہاں تے وڈے اِختیار آلیاں کیتے وی تاں جو اساں خُدا ترسی تے عزت نال پُر امن تے پُر سکون زندگی گُزار سگوں۔

2 تِیمُتھِیُس 2:15

کوشش کر تے خُدا دے سامنڑے آپنڑے آپ کُوں ہِک ایجھا کم کرݨ آلا پیش کر جیہڑا مقبول ہووے، جِینکُوں شرمندہ نہ تھیونڑا پووے تے جیہڑا سچائی دے کلام کُوں ٹھیک طرحاں سکھیندا ہووے۔

2 تِیمُتھِیُس 4:18

خُداوند میکُوں ہر بُرے حملے کنُوں بچیسی تے سلامتی نال آپنڑی اسمانی بادشاہی ءچ پُچیسی۔ اُوندی تعریف ہمیشاں تئیں تھیندی راہوے۔ آمین۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔