2کُرِنتھِیوں 13:11 - کِتاب مُقدّس سرائیکی ترجمہ

¹¹ غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

2کُرِنتھِیوں 13:11 Iomraidhean Croise

متّی 1:23

”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

متّی 5:48

بس تُساں کامِل بنڑو جِینویں تُہاڈا اسمانی باپ کامِل ہے۔“

مرقس 10:49

یسُوع کھڑ تے آکھیا، ”اُونکُوں سڈو۔“ بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“

مرقس 9:50

نمک چنگا ہے پر جے اُوندا مزہ ویندا راہوے تاں اُونکُوں کیہڑی چیز نال نمکین کریسو؟ آپنڑے ءچ نمک رکھو تے آپس ءچ میل مِلاپ نال راہو۔“

لُوقا 9:61

ہِک بئے وی آکھیا، ”مالک! مَیں تُہاڈے پِچُھوں آساں پر پہلے میکُوں اِجازت ڈیؤ جو آپنڑے گھر دے لوکاں کنُوں رُخصت تھی آواں۔“

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

اعمال 15:29

جو تُساں بُتاں دیاں قُربانیاں دے گوشت، خون تے گلا گُھٹ تے مارے ہوئے جانوراں دے گوشت تے حرام کاری کنُوں پرہیز کرو۔ جے تُساں آپنڑے آپ کُوں اِنہاں چیزاں کنُوں بچائی رکھیسو تاں چنگا کریسو۔ والسّلام۔

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

اعمال 23:30

جِیں ویلے میکُوں خبر تھئی جو اُوندے خلاف کوئی سازش تھیندی پئی ہے تاں مَیں اِینکُوں فوراً تُہاڈے کولھ بھیج ڈِتا تے اُوندے اُتے اِلزام لاوݨ آلیاں کُوں حُکم ڈِتا جو او تُہاڈے حضُور ءچ آ تے آپنڑا مقدمہ پیش کرݨ۔

رومیوں 12:16

ہِک ڈُوجھے نال اِتفاق نال راہو۔ اُچے اُچے خیال نہ بدھو، بلکہ پست لوکاں نال میل جول رکھو۔ آپنڑے آپ کُوں ڈُوجھیاں کنُوں عقل مند نہ سمجھو۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

رومیوں 14:19

آؤ اساں اُنہاں گالھیں دے طالب راہوں جیہڑیاں میل مِلاپ تے آپس دی ترقی دا سبب ہِن۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:33

خُدا جیہڑا اِطمینان دا سرچشمہ ہے، تُساں ساریاں نال راہوے۔ آمین۔

رومیوں 16:20

خُدا جیہڑا اِطمینان دا سرچشمہ ہے، شیطان کُوں تُہاڈے پیراں تلے جلد کُچلوا ڈیسی۔ ساڈے خُداوند یسُوع مسیح دا فضل تُہاڈے نال راہوے۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

2کُرِنتھِیوں 1:4

اُوہو ساڈیاں ساریاں مُصیبتاں ءچ ساکُوں تسلی ڈیندے تاں جو اساں اُوندی طرفوں مِلی ہوئی تسلی نال ڈُوجھیاں کُوں وی تسلی ڈے سگوں جیہڑے کہیں وی قِسم دی مُصیبت ءچ ہِن۔

2کُرِنتھِیوں 13:14

خُداوند یسُوع مسیح دا فضل، خُدا دی محبت تے رُوح القُدس دی شراکت تُساں ساریاں نال تھیندی راہوے۔

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

اِفِسیوں 4:3

رُوح القُدس تُہاکُوں ہِک کر ڈِتے، اِیں واسطے ہِک ڈُوجھے نال صُلح ءچ بدھے رہ تے اِینکُوں قائم رکھنڑ دی کوشش کرو۔

اِفِسیوں 6:23

خُدا باپ تے خُداوند یسُوع مسیح دی طرفوں تُساں بِھرانواں کُوں اِیمان دے نال اِطمینان تے محبت حاصل تھیوے

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

فِلِپّیوں 3:16

بہرحال جِتھاں تئیں اساں پُج گئے ہیں، اُوندے مطابق زندگی گُزاروں۔

فِلِپّیوں 4:2

یُوؤدیہ تے سُنتخے ڈُوہائیں بھینڑیں دی میں مِنت کریندا ہاں جو تُساں خُداوند یسُوع ءچ یک دل راہو۔

فِلِپّیوں 4:4

خُداوند ءچ ہر وقت خوش راہو۔ میں ولا آدھا ہاں جو خوش راہو۔

فِلِپّیوں 4:9

جیہڑا کُجھ تُساں میں تُوں سِکھیا، حاصل کیتا، سُنڑیا تے میڈے ءچ ڈِٹھا، اُوندے اُتے عمل کریندے راہو۔ تے خُدا جیہڑا اِطمینان دا چشمہ ہے تُہاڈے نال راہسی۔

1تھِسّلُنیکیوں 3:10

اساں ڈینہہ رات بہُوں دُعا کریندے ہیں جو تُہاکُوں مِلُوں تے تُہاڈے اِیمان دی کمی کُوں پُورا کر ڈیؤں۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔

1تھِسّلُنیکیوں 4:18

اِیں واسطے تُساں اِنہاں گالھیں نال ہِک ڈُوجھے کُوں تسلی ڈِتا کرو۔

1تھِسّلُنیکیوں 5:13

اُنہاں دی خدمت دی وجہ تُوں محبت نال اُنہاں دی بہُوں عزت کرو۔ تے آپس ءچ میل مِلاپ رکھو۔

1تھِسّلُنیکیوں 5:16

ہر ویلے خوش راہو۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

2تھِسّلُنیکیوں 3:1

آخری گالھ ایہ ہے بِھراؤ! ساڈے کیتے دُعا کرو جو ساڈے ذریعے خُداوند دا کلام جلدی پھیل ونجے تے عزت پاوے جِینویں تُہاڈے ءچ تھئے،

2تھِسّلُنیکیوں 3:16

ہُنڑ خُداوند جیہڑا اِطمینان دا چشمہ ہے خود تُہاکُوں ہمیشاں تے ہر حالت ءچ اِطمینان بخشے۔ خُداوند تُساں سبھ نال راہوے۔

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

یعقُوب 1:4

تے صبر کُوں آپنڑا اثر پُورا کرݨ ڈیؤ تاں جو تُساں پکّے تے کامِل تھی ونجو تے تُہاڈے ءچ کہیں گالھ دی کمی نہ راہوے۔

1 پطرس 3:11

بُرائی کنُوں دُور راہوے تے بھلائی کرے صُلح دا طالب تھیوے تے اُوندی کوشش ءچ راہوے

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

مُکاشفہ 22:21

خُداوند یسُوع دا فضل مُقدّساں دے نال راہوے۔ آمین۔