2کُرِنتھِیوں 13:10 - کِتاب مُقدّس سرائیکی ترجمہ

¹⁰ اِیں واسطے مَیں آپنڑی غیر موجودگی ءچ ایہ گالھیں لِکھدا پِیا ہاں تاں جو اُتھاں آ تے میکُوں اُوں اِختیار دے مطابق سختی نہ کرنڑی پووے جیہڑا خُداوند میکُوں تعمیر کرݨ کیتے ڈِتے نہ جو ڈھاوݨ کیتے۔

2کُرِنتھِیوں 13:10 Iomraidhean Croise

1کُرِنتھِیوں 4:21

تُساں کیا چاہندے ہیوے، جو مَیں سوٹی گِھن تے تُہاڈے کولھ آواں یا محبت تے نرم مزاجی نال؟

1کُرِنتھِیوں 5:4

وَل جِیں ویلے تُساں خُداوند یسُوع دے ناں اُتے جمع تھیسو، تے مَیں وی رُوحانی طور تے حاضر ہوساں تے ساڈے خُداوند یسُوع دی قُدرت وی تُہاڈے نال ہوسی،

2کُرِنتھِیوں 10:2

بلکہ مِنت کریندا ہاں جو تُہاڈے کولھ آ تے میکُوں اُوں دلیری نال نہ پیش آونڑا پووے، جِینویں کُجھ لوکاں نال پیش آوݨ دا اِرادہ رکھیندا ہاں جیہڑے ساڈے بارے ءچ سوچیندن جو اساں دُنیاوی طور تے زندگی گُزریندے ہیں۔

2کُرِنتھِیوں 10:4

کیوں جو ساڈی لڑائی دے ہتھیار دُنیاوی نئیں بلکہ خُدا دی طرفوں مضبوط قلعیاں کُوں ڈھا ڈیوݨ دی قُدرت رکھیندے ہِن۔

2کُرِنتھِیوں 10:8

کیوں جو جے مَیں آپنڑے اُوں اِختیار اُتے کُجھ زیادہ فخر وی کراں، جیہڑا خُداوند ساکُوں تُہاڈی ترقی کیتے ڈِتے نہ جو وِگاڑن کیتے، تاں اِیندے بارے ءچ مَیں شرمندہ نہ تھیساں۔

2کُرِنتھِیوں 13:2

جِیں ویلے میں ڈُوجھی پھیری تُہاڈے کولھ آیا ہم تاں میں اُوں ویلے تُہاکُوں چتایا ہا تے ہُنڑ غیر حاضر ہوندے ہوئے وی ولا اُنہاں کُوں جِنہاں پہلے گُناہ کیتے ہَن تے بئیاں کُوں وی چتیندا پِیا ہاں جو جڈاں میں واپس آساں تاں کہیں کُوں وی نہ چُھڑیساں،

2کُرِنتھِیوں 13:8

کیوں جو اساں حق دے خلاف کُجھ نئیں کر سگدے بلکہ صرف حق کیتے کر سگدے ہیں۔

2کُرِنتھِیوں 2:3

مَیں تُہاکُوں اِیہو گالھ لِکھی ہئی تاں جو جِیں ویلے مَیں آواں تاں میکُوں اُنہاں لوکاں کنُوں ڈُکھ نہ پُجے جِنہاں کنُوں میکُوں خوشی مِلنڑی چاہیدی ہئی، کیوں جو میکُوں تُہاڈے ساریاں اُتے اِیں گالھ دا بھروسا ہے جو جیہڑی میڈی خوشی ہے اُوہو تُساں ساریاں دی وی خوشی ہے۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

طِطُس 1:13

ایہ گواہی سچی ہے۔ اِیں واسطے اُنہاں کُوں سختی نال ملامت کیتا کر تاں جو اُنہاں دا اِیمان صحت مند راہوے،