2کُرِنتھِیوں 12:7 - کِتاب مُقدّس سرائیکی ترجمہ

⁷ پر زیادہ مُکاشفیاں دے سببّوں میڈے جِسم ءچ ہِک کنڈا پوڈ ڈِتا گئے یعنی شیطان دا قاصد جیہڑا میکُوں ستیندا راہندے تاں جو مَیں حد کنُوں زیادہ پُھنڈ نہ وَنجاں۔

2کُرِنتھِیوں 12:7 Iomraidhean Croise

متّی 26:67

وَل اُنہاں اُوندے مُنہ اُتے تُھکیا تے اُونکُوں مُکے مارے تے کُجھ چاٹاں مار تے آکھیا،

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

لُوقا 13:16

بس کیا ایہ مناسب نہ ہا جو ایہ عورت جیہڑی ابرہام دی دِھی ہے، جِینکُوں شیطان اٹھارہاں سالہاں کنُوں بدھی پِیا ہا، سبت دے ڈینہہ اِیں قید کنُوں آزاد کیتی ویندی؟“

1کُرِنتھِیوں 4:11

اساں اِیں ویلے تئیں بُکھے ترِسّے ہیں، پھٹے پُرانڑے کپڑے پیندے ہیں، مُکے کھاندے تے رُلدے پِھردے ہیں۔

1کُرِنتھِیوں 5:5

تاں اُوں بندے کُوں جِسمانی ہلاکت کیتے شیطان دے حوالے کر ڈیؤ تاں جو خُداوند یسُوع دے واپس آوݨ دے ڈینہہ اُوندی رُوح بچ ونجے۔

2کُرِنتھِیوں 10:10

کیوں جو کُجھ لوک تاں آدھے ہِن جو ”پولُس دے خط تاں بہُوں کارآمد تے زبردست ہِن پر جِیں ویلے او خود موجود ہوندا ہے تاں معمولی جِیہا لگدے تے اُوندی تقریر کہیں کم دی نئیں ہوندی۔“

2کُرِنتھِیوں 10:5

اساں اُنہاں دلیلاں تے ہر اُوں چیز کُوں ڈھا ڈیندے ہیں جیہڑی خُدا دی پچھاݨ دے خلاف اُٹھ کھڑی تھئی ہے تے اساں ہر خیال کُوں قید کر تے مسیح دا فرمانبردار بنڑا ڈیندے ہیں۔

2کُرِنتھِیوں 11:20

جے کوئی تُہاکُوں غُلام بنڑیندے یا تُہاکُوں لُٹیندے، یا تُہاکُوں دوکھا ڈیندے، یا تُہاڈے اُتے رُعب پیندے، یا تُہاڈے مُنہ اُتے چاٹ مریندے تاں تُساں برداشت کر گِھندے ہیوے۔

2کُرِنتھِیوں 12:1

میڈا فخر کرݨ ضروری ہے۔ بھانویں اِیندا کوئی فائدہ نئیں، وَل وی مَیں خُداوند دی طرفوں مِلے ہوئے رویا تے مُکاشفیاں دا ذِکر کریساں۔

گلتِیوں 4:13

تُہاکُوں یاد ہوسی جو مَیں پہلی پھیری بیماری دی حالت ءچ تُہاکُوں خوشخبری سُنڑائی ہئی۔

1 تِیمُتھِیُس 3:6

او نواں نواں ایماندار نہ ہووے، اِینویں نہ تھیوے جو او مغرُور تھی تے ابلیس وانگُوں سزا پاوے۔