2کُرِنتھِیوں 12:6 - کِتاب مُقدّس سرائیکی ترجمہ

⁶ جے فخر کرݨ چاہاں تاں ایہ میڈی بیوقُوفی نہ ہوسی، اِیں واسطے جو مَیں سچ بُولیساں۔ پر مَیں فخر نہ کریساں تاں جو کوئی بندہ جِینویں میکُوں ڈیدھے یا سُنڑدے، اُوں کنُوں ودھ نہ سمجھے۔

2کُرِنتھِیوں 12:6 Iomraidhean Croise

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

1کُرِنتھِیوں 3:5

آخر اپُلّوس کیا ہے تے پولُس کیا ہے؟ ایہ صرف خادم ہِن جِنہاں دے وسیلے تُساں اِیمان گِھن آئے تے اساں ڈُوہائیں اُوہو کم کیتا جیہڑا خُداوند ساڈے کیتے علیحدہ علیحدہ مقرر کیتا۔

2کُرِنتھِیوں 1:18

جِینویں خُدا سچا ہے اُونویں ای تُہاڈے نال ساڈے پیغام ءچ ”ہاں“ تے ”نہ“ ڈوہائیں نئیں ہوندے۔

2کُرِنتھِیوں 11:16

مَیں ولا آدھا ہاں جو کوئی میکُوں بیوقُوف نہ سمجھے۔ نہ تاں جے بیوقُوف سمجھ تے ای قبول کر گِھنو تاں جو مَیں وی آپنڑے آپ اُتے تھوڑا جِیہا فخر کراں۔

2کُرِنتھِیوں 11:31

خُداوند یسُوع دا خُدا تے باپ، جیندی ہمیشاں تئیں حمد تھیوے، جانڑدا ہے جو مَیں کُوڑ نئیں مریندا۔

2کُرِنتھِیوں 12:11

تُساں ای میکُوں مجبور کیتے جو مَیں فخر کر تے بیوقُوف بنڑ ونجاں، جڈاں جو تُہاکُوں تاں میڈی تعریف کرنڑی چاہیدی ہئی۔ بےشک مَیں کُجھ وی نئیں پر وَل وی تُہاڈے ”افضل رسُولاں“ کنُوں کہیں گالھ ءچ گھٹ نئیں۔

2کُرِنتھِیوں 12:7

پر زیادہ مُکاشفیاں دے سببّوں میڈے جِسم ءچ ہِک کنڈا پوڈ ڈِتا گئے یعنی شیطان دا قاصد جیہڑا میکُوں ستیندا راہندے تاں جو مَیں حد کنُوں زیادہ پُھنڈ نہ وَنجاں۔

2کُرِنتھِیوں 5:13

جے اساں دیوانے ہیں تاں خُدا کیتے ہیں تے جے ہوش ءچ ہیں تاں تُہاڈے کیتے۔

2کُرِنتھِیوں 7:14

مَیں اُوندے سامنڑے تُہاڈے بارے ءچ فخر کیتا ہا تے میں شرمندہ نئیں تھیّا۔ بلکہ جِینویں اساں تُہاکُوں ہمیشاں سچے گالھیں ڈسائیاں ہِن، اُونویں ای جیہڑا فخر اساں تُہاڈے بارے ءچ طِطُس دے سامنڑے کیتا او وی سچ ثابت تھیّا۔