2کُرِنتھِیوں 11:9 - کِتاب مُقدّس سرائیکی ترجمہ

⁹ تے جِیں ویلے مَیں تُہاڈے کولھ ہم تے میکُوں ضرورت پئی تاں مَیں تُہاڈے ءچوں کہیں کُوں ذرا وی تکلیف نہ ڈِتی کیوں جو مَکِدُنیہ کنُوں مسیحی بِھرانواں آ تے میڈی ضرورت پُوری کیتی۔ مَیں تُہاڈے اُتے کوئی بھار نئیں سٹیا تے نہ ای ولا سٹیساں۔

2کُرِنتھِیوں 11:9 Iomraidhean Croise

اعمال 18:3

تے کیوں جو اَکوِلہ تے پرسکِلہ وی تمبُو بنڑاوݨ دا کم کریندے ہَن جِینویں پولُس کریندا ہا، اِیں واسطے او اُنہاں نال رہ تے کم کرݨ لگا۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 20:33

مَیں کہیں دے سونے، چاندی یا کپڑے دا لالچ نئیں کیتا۔

رومیوں 15:26

کیوں جو مَکِدُنیہ تے اَخیہ دے ایماندار یروشلیم دے غریب مُقدّساں کیتے چندہ بھیجنڑ چاہندے ہِن۔

1کُرِنتھِیوں 16:17

مَیں ستِفناس، فرتُوناتُس تے اخیکُس دے آوݨ تُوں خوش ہاں کیوں جو اُنہاں میڈی مدد کر تے تُہاڈی غیر حاضری دی کمی کُوں پُورا کر ڈِتا۔

2کُرِنتھِیوں 6:4

بلکہ خُدا دے خادم ہوندے ہوئے اساں ہر گالھ تُوں آپنڑی نیکی ظاہر کریندے ہیں، یعنی بہُوں صبر نال، مُصیبت ءچ، مُشکلات ءچ، تنگی ءچ،

2کُرِنتھِیوں 9:12

کیوں جو تُہاڈی اِیں خدمت دے سببّوں نہ صرف مُقدّساں دیاں ضرورتاں پُوریاں تھیندیاں ہِن بلکہ بہُوں لوک خُدا دی خُوب شُکرگزاری کریندے ہِن۔

فِلِپّیوں 2:25

پر مَیں اِپفُردِتُس کُوں تُہاڈے کولھ بھیجنڑ ضروری سمجھیا۔ او میڈا بِھرا، ہم خدمت، تے مسیح ءچ میڈے نال سپاہی بلکہ او تُہاڈا قاصد تے میڈیاں ضرورتاں پُوریاں کرݨ کیتے خدمت گُزار ہے۔

1تھِسّلُنیکیوں 2:6

اساں آدمیاں دی تعریف دے مُتھاج نئیں نہ ای تُہاڈی نہ بئے دی، بھانویں اساں مسیح دے رسُول ہووݨ دی حیثیت نال تُہاڈے اُتے آپنڑا بھار سَٹ سگدے ہسے۔

1تھِسّلُنیکیوں 2:9

بِھراؤ! ساڈی او سخت محنت تُہاکُوں ضرور یاد آندی ہوسی۔ اساں خُدا دی خوشخبری سُنڑیندے ہوئے ڈینہہ رات آپنڑے ہتھاں نال کم کریندے ہسے تاں جو کہیں اُتے بھار نہ بنڑوں۔

عبرانیوں 11:37

او سنگسار کیتے گئے، آرے نال چِیرے گئے، تلوار نال قتل کیتے گئے، بھیڈاں تے بکریاں دی کَھل پا تے مُتھاجی ءچ، مُصیبت تے بدسلُوکی دا سامنڑا کریندے ہوئے جاہ جاہ پِھردے ریہے۔