2کُرِنتھِیوں 11:10 - کِتاب مُقدّس سرائیکی ترجمہ

¹⁰ مسیح دی سچائی دی قَسم جیہڑی میڈے اندر ہے، اَخیہ دے سبھ علاقیاں ءچ کوئی بندہ میکُوں اِیں فخر کرݨ کنُوں روک نہ سگسی۔

2کُرِنتھِیوں 11:10 Iomraidhean Croise

اعمال 18:12

جِیں ویلے گلیّو اَخیہ دا گورنر ہا تاں یہُودیاں رَل تے پولُس اُتے ہَلہ بول ڈِتا تے اُونکُوں پکڑ تے عدالت ءچ گِھن گئے،

اعمال 18:27

جِیں ویلے اپُلّوس سمندر پار اَخیہ ونجنڑ دا اِرادہ کیتا تاں بِھرانواں اُوندی ہِمت ودھائی تے اُتھوں دے شاگرداں کُوں لِکھیا جو اُونکُوں گرم جوشی نال مِلنڑ۔ اُتھاں پُج تے اُوں لوکاں دی بہُوں مدد کیتی جیہڑے خُدا دے فضل نال اِیمان گِھن آئے ہَن۔

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

رومیوں 16:5

اُوں کلیسیا کُوں وی سلام آکھو جیہڑی اُنہاں دے گھر ءچ ہے۔ میڈے عزیز اِپینِتُس کُوں سلام آکھو جیہڑا آسِیہ ءچ مسیح اُتے سبھ تُوں پہلے اِیمان گِھن آوݨ آلا ہا۔

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

1کُرِنتھِیوں 16:15

بِھراؤ! تُساں ستِفناس دے خاندان دے بارے ءچ تاں جانڑدے ہیوے جو او اَخیہ دے ساریاں کنُوں پہلے پھل ہِن تے مُقدّساں دی خدمت کرݨ ءچ لگے ہوئے ہِن۔ مَیں تُہاڈی مِنت کریندا ہاں

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

2کُرِنتھِیوں 1:23

خُدا گواہ ہے جو مَیں کُرِنتُھس اِیں واسطے واپس نئیں آیا جو مَیں تُہاکُوں دڑکنڑ تُوں باز راہوݨ چاہندا ہم۔

2کُرِنتھِیوں 10:15

تے اساں آپنڑی حد تُوں باہر وَنج تے بئے دی محنت اُتے فخر نئیں کریندے بلکہ اُمید رکھیندے ہیں جو تُہاڈے اِیمان ءچ ترقی پارُوں تے اِینویں تُہاڈے ذریعے ساڈی خدمت دی حد وی مزید ودھے،

2کُرِنتھِیوں 11:12

جیہڑا کُجھ مَیں کریندا ہاں اُوہو کریندا راہساں تاں جو اُنہاں کُوں موقع نہ ڈیواں جیہڑے فخر کر تے دعویٰ کرݨ چاہندے ہِن جو اُنہاں دے کم ساڈے وانگُوں ہِن۔

2کُرِنتھِیوں 11:31

خُداوند یسُوع دا خُدا تے باپ، جیندی ہمیشاں تئیں حمد تھیوے، جانڑدا ہے جو مَیں کُوڑ نئیں مریندا۔

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

2کُرِنتھِیوں 9:2

کیوں جو مَیں جانڑدا ہاں جو تُساں دِلی شوق نال مدد کرݨ چاہندے ہیوے تے اِیں پارُوں میں مَکِدُنیہ دے لوکاں دے سامنڑے تُہاڈے اُتے فخر کریندا ہاں۔ مَیں اُنہاں کُوں ڈسایا جو اَخیہ دے لوک پِچھلے سال کنُوں مدد کرݨ کیتے تیار ہَن۔ تُہاڈے جوش بہُوں ساریاں کُوں اِیں کم کیتے اُبھارے۔

گلتِیوں 1:20

جیہڑے گالھیں مَیں تُہاکُوں لِکھدا پِیا ہاں، خُدا گواہ ہے جو او کُوڑیاں نئیں۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

1تھِسّلُنیکیوں 2:10

تُساں وی گواہ ہیوے تے خُدا وی گواہ ہے جو تُساں اِیمان گِھن آوݨ آلیاں نال ساڈا چل چلنڑ کیجھا پاک، راست تے بے عیب ریہا۔

1تھِسّلُنیکیوں 2:5

تُساں جانڑدے ہیوے جو اساں کڈھائیں وی خوشامد نئیں کیتی تے نہ لالچ نال کلام کیتے، خُدا اِیندا گواہ ہے۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔